Ректор

Сүгірбаева Гүлжан Дәулетбекқызы

 

Сүгірбаева Гүлжан Дәулетбекқызы 1964 жылы 21 қарашада Оңтүстік Қазақстан облысы Ленгер қаласында мемлекеттік қызметкердің отбасында дүниеге келді. 1982 жылы Комаров орта мектебін алтын медальмен аяқтап, 1987 жылы Шымкент мемлекеттік педагогикалық институтының тарих және педагогика факультетін үздік бітірді.

1987-1994 жылдары алғашқы еңбек өтілі Шымкент қаласындағы №41 орта мектепте пионерлер ұйымының жетекшісінен басталды. №29 орта мектепте тарих пәнінің мұғалімі, 1994-1995 жылдары Шымкент педагогикалық институтының жалпы тарих кафедрасында оқытушы болып жұмыс істеді.

1995 жылы Ш.Уәлиханов атындағы Тарих және этнология институтының аспирантурасына оқуға түсті. Қазақстан Республикасы Ұлттық ғылым академиясының мүшесі.

2000-2002 ж.ж. Қ.А.Ясауи атындағы Халықаралық қазақ-түрік университеті, Дүниежүзілік тарих кафедрасында оқытушы, аға оқытушы, 2002-2010 жылдары кафедра меңгерушісі болды. 2010-2011 оқу жылында академиялық инновациялық университетінің Қазақстан тарихы кафедрасында доценті, 2012-2013 оқу жылында Л.Н. Гумилев атындағы Еуразия Ұлттық университетінің археология және этнология кафедрасының доценті,  2013 жылы Оңтүстік Қазақстан мемлекеттік педагогикалық университетінің Қазақстан тарихы және дүниежүзілік тарих кафедрасының доценті қызметін атқарды.

2014 жылдан 2018 жылға дейін ғылыми-зерттеу бағдарламалары сараптамалық бөлімінің бастығы, 2018 жылдан бастап менеджмент және мониторинг бөлімінің бастығы қызметтерін атқарды.

Г.Д.Сугирбаева орыс ғалымдарымен бірге орыс және қазақ тілдерінде жоғары сынып оқушыларына арналған «Қазіргі заман тарихы» және «ХХ ғасырдағы әлем» атты оқулықтың авторы, 2008 жылы ҚР БжҒМ  «Үздік оқытушы - 2010» атағының иегері.  

Медальдары мен алғыс хаттары: Қазақ хандығының 550 жылдығына арналған мерейтой медалі,  Оңтүстік Қазақстан облысы әкімінің Алғыс хаты, Түркістан облысы мәслихатының Алғыс хаты.

Сыртқы аудиттың аккредитациялық үрдістер бойынша эксперттің, Акредиттеу рәсімдерінің сыртқы аудиті бойынша Сарапшы  сертификаттары бар. Стамбул, Измир, Мәскеу, Ташкент, Астана, Алматы  қалаларында білімін жетілдіріп, біліктілікті арттыру курстарынан өткен.

2020 жылдың ақпан айынан бастап Басқарма басшысы – ректор қызметін атқарып келеді.