Ғылыми кеңес хатшысы

Мыңбаева Ақбілек Пазылханқызы

 

2001-2005 жылдары Қ.А.Ясауи атындағы Халықаралық қазақ-түрік университетінің «Қазақ тілі мен әдебиеті» мамандығын үздік дипломмен бітірді.

2006-2008 жылдары Алматы экономикалық статистикалық академиясының «Жерге орналастыру және кадастр» мамандығын аяқтады.

2006 жылы  Қ.А.Ясауи атындағы Халықаралық қазақ-түрік университеті «Қазақ әдебиеті» кафедрасында лаборант, сонымен қатар филология факультетінде әдіскер болып қызмет істеді.

2006-2011 ж.ж. Академиялық инновациялық университетінде, 2011-2012 жылдары Оңтүстік Қазақстан мемлекеттік педагогикалық институты филология факультетінің офис тіркеуші қызметін атқарды.

2009-2011 жылдары Шымкент әлеуметтік-педагогикалық университетінің магистратурасын «Қазақ тілі мен әдебиеті» мамандығы бойынша аяқтады.

2012-2013 жж. Оңтүстік Қазақстан мемлекеттік педагогикалық институтында магистр-оқытушы қызметін атқарды.

2012-2013 жж. және 2016-2017 жылдары Оңтүстік Қазақстан мемлекеттік педагогикалық институтының Филология факультеті декан орынбасары қызметін атқарды.

2013-2016 ж.ж. Алматы қаласы, Абай атындағы Қазақ ұлттық педагогикалық университетінің «Қазақ тілі мен әдебиеті» қафедрасында 6D011700 - Қазақ тілі мен әдебиеті мамандығы бойынша докторантураны бітіріп, Абай атындағы Қазақ ұлттық педагогикалық университетіндегі «6D010000 – Білім беру» (гуманитарлық ғылымдар) диссертациялық кеңесінде PhD философия докторы дәрежесін алу үшін «Филолог-мамандардың мәдени-тілдік құзыреттілігін мәтін арқылы қалыптастыру (ЖОО-нан кейінгі білім беру жүйесінде)» тақырыбында докторлық диссертациясын қорғады.

2016 жылдан бастап Оңтүстік Қазақстан мемлекеттік педагогикалық университетінің «Қазақ тілі мен әдебиеті» кафедрасында  PhD философия докторы, аға оқытушы болып жұмыс жасайды.

2019-2020 оқу жылында Тіркеу бөлімінің басшысы, 2020 жылдың қыркүйек айынан бастап Ғалым хатшы қызметін атқарып келеді.

 «Түркі халықтарының әдебиеті» (2017), «Қазақ тілі мен әдебиетін жаңартылған бағдарлама бойынша оқыту» (2019) деп аталатын оқу құралдарының авторы.

Алыс-жақын шетелдерде және республикада өткен халықаралық, республикалық ғылыми конференцияларда, симпозиумдар мен форумдарда баяндама жасап, 40-қа жуық ғылыми мақалаларын жарыққа шығарды, оның ішінде 7 мақала Scopus деректер базасына енетін Q2, 65 %-дан жоғары инпакт-факторлы журналдарда жарияланған.

ҚР БжҒМ Ғылым комитетінің 2018-2020 жылдарға арналған ғылыми жұмыстарды гранттық қаржыландыру конкурсы бойынша AP05131417 «Қазіргі қазақ тіліндегі неологизмдердің қалыптануы: когнитивтік және лингводидактикалық аспектілер» деп аталатын ғылыми жоба жұмысының орындаушысы. 

Марапаттары:

-  «Білім беру саласының үздігі» 11.03.2019 г.

- Қазақстан Республикасы Білім және ғылым министрінің 2019 жылғы   «4» желтоқсандағы № 517 бұйрығымен «Жас ғалым стипендианты» иегері.