Мәңгілік елдің - мәртебелі тілі

09.09.20

ОҚМПУ-де филология факультетінің ұйымдастыруымен Тіл мерекесіне орай "Мәңгілік елдің - мәртебелі тілі" атты онлайн сұхбат өтті. Дөңгелек үстелде  ф.ғ.к., факультет деканы Н. Нұрпейісов, филолог ғалымдар, У.К. Әбдіханов, Т.М. Абдуалиев, А.Г. Құрбанов, магистр оқытушы А. Мұсабекова баяндама жасады. Университетіміздегі "Рухани жаңғыру" бөлімінің басшысы, т.ғ.к. Қ. Анарбаев  мемлекеттік, әлемдік тілдер аясында сөз қозғап, туған тілдің тарихы мен келешегі жөніндегі келелі ой қозғады. Ұлт ұстазы Ахмет Байтұрсыновтың өмірі мен шығармашылығы, қайраткерлік қызметі жайында тағлымды әңгіме болды. Бұл іс-шараға  Инстаграм әлеуметтік желісінде және ZOOM платформасында  студенттер де қатысып пікір білдірді. Олар сондай-ақ танымал ақындардың өлеңдерін қазақ, орыс және ағылшын тілдерінде оқыды.