ҚР Ғылым және жоғары білім министрлігі Ғылым және жоғары білім саласында сапаны қамтамасыз ету төрағасының 2025 жылғы 22 мамырдағы 778-бұйрығына сәйкес Ақмарал Жақсыбекқызы Тажековаға 50700- Әлеуметтік және экономикалық география ғылыми бағыты бойынша қауымдастырылған профессор (доцент) ғылыми атағы берілді.
Ақмарал Жақсыбекқызы еңбек жолын Шымкент қаласындағы Жүсіпбек Аймауытов атындағы №64 орта мектепте география мұғалімі болып бастаған.
2008 жылдан қазіргі күнге дейін Ө.Жәнібеков атындағы Оңтүстік Қазақстан педагогикалық университеті, «География» кафедрасының доценті м.а., кафедра меңгерушісі қызметінде. Ғылыми-педагогикалық жұмыс өтілі 25 жылды құрайды. Соңғы 5 жылда 70-тен астам ғылыми-әдістемелік еңбегі жарық көрген, оның ішінде WoS және Scopus базаларында процентилі 35-тен жоғары рецензияланатын халықаралық ғылыми журналдарда 4 мақаласы бар. Сонымен қатар магистранттар мен студенттермен бірлесіп дайындалған 40-ға жуық баяндамасы халықаралық және республикалық деңгейдегі конференция материалдарының жинақтарында жарияланған.