ХИМИЯ ЖАҢАЛЫҒЫНЫҢ ЖАС ЖҰЛДЫЗДАРЫ
95 жылдыққа — 95 іс-шара
Ө.Жәнібеков атындағы ОҚПУ-да «Ғылымға жол–5!» – химиядағы білім мен зерттеудің жаңа белесі» тақырыбында студенттік ғылыми жобалар апталығы өтуде. Ауқымды шараны көрнекті мемлекет және қоғам қайраткері Өзбекәлі Жәнібековтің 95 жылдығына арналған 95 іс-шара аясында және химия ғылымының дамуына үлес қосқан профессор Г.Мәдібекованың 70 жылдық мерейтойына орай ұйымдастырылуда.
Апталық тақырыбы «Химиядағы білім беру мен зерттеуді жетілдіру: цифрлық платформалар және ЖИ қолдану тәжірибесін» қамтиды. Студенттер аталған шараға ғылыми жобалар мен баяндамалар, жарияланымдары мен заманауи химиялық тәжірибелерін, STEM және цифрлық технологияларға негізделген зерттеулерін ұсынуда. Ұсынылған жобалардың мазмұны қоғам мен ғылым үшін аса өзекті бағыттарды қамтиды. Атап айтқанда, экология және қоршаған орта, тағам қауіпсіздігі мен адам денсаулығы, цифрландыру және жасанды интеллект, инновациялық зерттеулер қазылар алқасы тарапынан сарапқа салынуда. Қазақстандағы су көздерінің химиялық ластануы, тұрмыстық химия тауарларының экожүйеге ықпалы, көкөністердегі нитрат мөлшерін анықтау, химияны жасанды интеллект арқылы оқыту, экологиялық таза тұрмыстық сабын жасау сияқты зерттеулерге студенттер батыл қадам жасап, ғылыми жаңалық қақпасын қағуда.
Апталық жас зерттеушілердің ғылыми ойлау қабілетін дамытып, химия ғылымының заманауи бағыттарын – экология, медицина, тағам қауіпсіздігі, цифрлық технологиялар және жасанды интеллектпен ықпалдастыруға мүмкіндік берді. Болашақ ғалымдардың ғылымға алғашқы сенімді қадам жасауына Жаратылыстану факультетінің химия кафедрасы мүмкіндік беріп отыр. Үздіктер апта соңында анықталмақ.

Осыған ұқсас
ҚОРЖЫНДА — ҚОС БАС ЖҮЛДЕ!
«ЖӘНІБЕКОВ МҰРАСЫ ЖӘНЕ ҰЛТ ТӘРБИЕСІ» АРУЛАР БАЙҚАУЫ ӨТТІ
САМАРҚАНД МЕМЛЕКЕТТІК ИНСТИТУТЫНЫҢ ОҚЫТУШЫЛАРЫ ДӘРІС ОҚИДЫ
«ҚАЗАҚТЫҢ ДОСТАРЫ МЕН ҚАСТАРЫ» КІТАБЫНЫҢ ТҰСАУКЕСЕРІ ӨТТІ
«ӨЗБЕКӘЛІ ЖӘНІБЕКОВ ҚҰБЫЛЫСЫ: ТҰЛҒА ТАҒЫЛЫМЫ ЖӘНЕ ПЕДАГОГИКАЛЫҚ ҚҰНДЫЛЫҚТАР» АТТЫ ХАЛЫҚАРАЛЫҚ ҒЫЛЫМИ-ТЕОРИЯЛЫҚ КОНФЕРЕНЦИЯ ӨТТІ
Өзбекәлі Жәнібеков атындағы Оңтүстік Қазақстан педагогикалық университетінің студенттері арасында «Наурыз» мерекесіне арналған ұлттық спорт түрлерінен өтетін жарыстың ережесі
G1 ГУМАНОИД РОБОТЫ ҰЛТТЫҚ КИІМ КҮНІМЕН ҚҰТТЫҚТАДЫ
«Өзбекәлі Жәнібеков атындағы Оңтүстік Қазақстан педагогикалық университеті» коммерциялық емес акционерлік қоғамының Басқарма төрағасы - Ректоры бос лауазымына конкурс
ХАЛЫҚАРАЛЫҚ ҒЫЛЫМИ ИНЖЕНЕРЛІК ЖОБАДА ЖҮЛДЕЛІ ОРЫН!