Қ.Сәтбаевтың 125 жылдығына арналған білімалушылардың дәстүрлі конференциясының Ағылшын тілі секциялық мәжілісі ұйымдастырылды, үздік баяндамашыларға диплом табыс етілді, университет тарапынан қаржылай марапатталды.‬

‪I-орын   Шайзанда Банұр Бегжанқызы, Ғылыми жетекшісі ф.ғ.к. Мақұлбек А.Б.‬ ‪

II- орын Ергеш Нұрқанат Ержанұлы, Ғылыми жетекшісі ф.ғ.к., доцент Т.А.Айнабекова‬; Сайлау Ажар Сәкенқызы, Ғылыми жетекшісі ф.ғ.к. Байниязова Ж.Т.‬ ‪

III- орын Пердебекова Юнона Шахзатқызы, Ғылыми жетекшісі аға оқытушы А.Абдукаримова‬; Ермаханбетова Әдемі Пердеханқызы, Ғылыми жетекшісі ф.ғ.к., доцент Байниязов А.Ж.‬; Назарова Айша Максатовна, Ғылыми жетекшісі магистр Раимбекова Г.И.‬

“Жаңа Қазақстан” республикалық ұйымының ұйымдастыруымен Қазақстан Республикасының Оқу-ағарту министрінің 2011 жылғы 7 желтоқсандағы №514 бұйрығына сүйене отырып, мектеп, колледж мұғалімдері мен балабақша тәрбиешілері арасында өткізілген “Жаңа Қазақстан педагогі” атты республикалық онлайн эссе байқауы өткізілді. Байқауға бірқатар білім алушыларымыз қатысып, жүлделі орындарға ие болды. І дәрежелі диплом иегерлері: 


- 1703-21 оқу тобының білім алушысы Султанова Сандуғаш, жетекшісі: Тастанова Гульмира Жамбылбаевна;


- 1703-11 оқу тобының білім алушысы Асилханова Ажар, жетекшісі: Балкыбекова Сауле Жазыкбаевна;


- 1703-11 оқу тобының білім алушысы Шырынбек Әсемай, жетекшісі: Боранбай Айгерім Еркінқызы;


- 1703-12-6 оқу тобының білім алушысы Жолдыбай Лаззат, жетекшісі: Боранбай Айгерім Еркінқызы;


- 1703-12-7 оқу тобының білім алушысы Ғазизұлы Ерғали.

2024 жылдың 15-17 мамыр аралығында Патрис Лумумба атындағы Ресей Халықтар Достығы университетінің орыс тілі институты (RUDN) Ресей Федерациясының ғылым және жоғары білім министрлігінің қолдауымен “Информационно-коммуникативная культура специалиста в цифровую эпоху” халықаралық студенттік жобалық сессиясында Ө.Жәнібеков атындағы ОҚПУ-нің Ағылшын тілі кафедрасының доценті, ф.ғ.к. М.Ю.Шингареваның жетекшілігімен “7М01703-Шетел тілі: екі шетел тілі педагогін даярлау” білім беру бағдарламасының 1-курс M1703-13 тобының магистранты Халық Дінмұхамед «Искусственный интеллект на службе педагога в сфере языкового образования: возможности и риски» тақырыбындағы өзінің ғылыми жобасын сәтті қорғап шықты.

Өзбекәлі Жәнібеков атындағы Оңтүстік Қазақстан педагогикалық университеті, филология факультеті ағылшын тілі кафедрасының “6В01703- Шетел тілі: екі шетел тілі мұғалімін даярлау” және “7М01703- Шетел тілі: екі шетел тілі педагогін даярлау” білім беру бағдарламаларының бірқатар білім алушылары 2024-2025 оқу жылының күзгі семестрінде 16.09.2024-13.10.2024 жж. аралығында кредиттік академиялық ұтқырлық бағдарламасы аясында білім алуға Чехия Республикасы, Оломоуц қаласы, Палацк университетіне жіберілді. Білім алушылар “Research in Education and Teaching Methods” пәні бойынша білім алып келді.

1703-11 оқу тобының білім алушысы Шырынбек Әсемай Айбекқызы “Bilim-Orkenieti” ұлттық инновациялық ғылыми-зерттеу орталығы мен Үздік студенттер академиясының ұйымдастыруымен мемлекет басшысы Қасым-Жомарт Кемелұлы Тоқаевтың “Адал адам - Адал еңбек - Адал табыс” атты бағдарламалық мақаласындағы ұлттық құндылықтарды республикамыздың жастары арасында кеңінен насихаттау мақсатында өткен "ҚАЗАҚСТАННЫҢ ҮЗДІК СТУДЕНТІ" атты республикалық байқауына қатысып, жеңімпаз атанды. Ағылшын тілі кафедрасының оқытушысы Есенәлиева Ж.Е. жетекшілігімен оқу озаты Әсемай І дәрежелі диплом мен “Қазақстанның үздік студенті” төсбелгісімен марапатталды.

Жақында Өзбекәлі Жәнібеков атындағы Оңтүстік Қазақстан  педагогикалық университеті, филология факультеті, “Ағылшын тілі” кафедрасының доценті Байниязов Аябек  Жандарбекұлы, «Жаңа Қазақстан» Республикалық инновациялық орталығы ұйымдастырған Мемлекет басшысы Қасым-Жомарт Кемелұлы Тоқаевтың «Әділетті мемлекет. Біртұтас ұлт. Берекелі қоғам» атты Қазақстан халқына жолдауын қоғамға кеңінен насихаттау мақсатында өткен «Қазақстан Республикасының құрметті азаматы» атты Республикалық байқауына қатысып жеңімпаз атанды.

Байниязов Аябек  Жандарбекұлын осы марапатымен шын жүректен құттықтаймыз. Марапатыңыз құтты болсын. Ғылым жолында алатын асуларыңыз, жастарға көрсететін үлгі істеріңіз көп болсын.

6506 әскери бөлімінде қазақтың ұлы ақыны, ойшыл Абай Құнанбайұлының 180 жылдық мерейтойына орай қаламыздың жоғары оқу орындарының профессорлары мен ғалымдарының қатысуымен тағылымды кездесу өтті. Кездесуде Жұмабек Тәшенев атындағы университеті педагогикалық және жаратылыстану ғылымдары факультетінің деканы филология ғылымдарының кандидаты, доцент Мамыт Амангелді Алтыбайұлы, Өзбекәлі Жәнібеков атындағы Оңтүстік Қазақстан педагогикалық университеті ағылшын тілі кафедрасының доценті, филология ғылымдарының кандидаты Аябек Жандарбекұлы Байниязов пен қазақ тілі мен әдебиеті кафедрасының доценті, филология ғылымдарының кандидаты  Ағапаша Гулалиұлы Құрбанов шара барысында ақынның өмірі, шығармашылық мұрасы және оның бүгінгі ұрпаққа берер тағылымы жайлы кеңінен сөз қозғады.

Кездесудің басты мақсаты – Абайдың даналық мұрасын насихаттау, жас ұрпақты оның идеяларымен сусындату және ойшылдың рухани әлеміне терең бойлау. Ғалымдар ақынның әдеби мұрасы мен философиялық көзқарастарын талдап, оның шығармаларындағы ұлттық құндылықтарды ерекше атап өтті. Сонымен қатар, Абай өлеңдері мен қара сөздерінің бүгінгі қоғам үшін маңыздылығы талқыланып, олардың жастарды адамгершілікке, білімге, еңбексүйгіштікке тәрбиелеудегі рөлі сөз болды. 6506 әскери бөлімінің жеке құрамы үшін бұл кездесу рухани азыққа толы, әсерлі әрі мазмұнды болды. Қатысушылар ақынның мұрасы әлі талай ұрпаққа жол көрсететін шамшырақ екенін айтып, оның өнегелі ойларын әркез жадыда ұстау керектігін жеткізді. Абай Құнанбайұлының 180 жылдық мерейтойына арналған бұл шара қазақ әдебиеті мен руханиятына деген құрметтің айқын көрінісі болды. Кездесуден түйген ой – Абай мұрасы мәңгілік және ол әрбір қазақ баласына аманат.

Ұлыбритания Сыртқы істер министрлігі қаржыландыратын және British Council ұйымдастыруымен Орталық Азияда ағылшын тілін жеделдетіп оқытуға бағытталған білім беру жобасы аясында Қазақстан, Қырғызстан, Тәжікстан, Түрікменстан және Өзбекстан елдерінде жүзеге асырылып жатқан жоба бойынша Астана қаласында Қазақстанның жетекші педагогикалық жоғары оқу орындары мен жалпы білім беретін мектеп өкілдерінің кездесуі өтті. Аталған кездесуге Ағылшын тілі кафедрасының меңгерушісі, педагогика ғылымдарының кандидаты, доцент м.а. Сманова Газиза Илескановна қатысты. Кездесудің мақсаты – ағылшын тілін оқытудағы қазіргі жағдайды бағалау, мықты және әлсіз тұстарды анықтау, сондай-ақ білім беру мекемелерінде ағылшын тілі оқыту сапасын арттыру жолдарын айқындау болды. Кездесудің модераторы – мұғалімдердің кәсіби дамуына арналған бағдарламаларды әзірлеу, жүзеге асыру және бағалау саласында маманданған British Council сарапшысы Саймон Борг болды.

Г.В. Плеханов атындағы Ресей экономикалық университетінің Әлеуметтік-гуманитарлық ғылымдар жоғары мектебі мен «Ағылшын тілі» кафедрасы арасындағы ынтымақтастық аясында кафедра докторанты Дарья Антонцева докторантура бағдарламасы бойынша ғылыми тағылымдамадан өтуде.

Тағылымдаманың мақсаты – жоғары сапалы ғылыми және педагогикалық зерттеулер жүргізу дағдыларын дамыту, қазіргі заманғы кеңес беру әдістерін меңгеру және эксперименттік модельдер әзірлеу, сондай-ақ ғылыми жұмыс пен педагогикалық практика саласындағы біліктілікті арттыру.

Тағылымдама барысында Дарья Антонцева ғылыми кеңесші, педагогика ғылымдарының докторы, профессор Наталия Фоминихтың жетекшілігімен белсенді түрде жұмыс істейді. Бағдарлама тек ғылыми зерттеу бойынша негізгі мәселелер бойынша кеңестермен шектелмей, студенттердің қатысуымен бірлескен шараларды өткізу де қарастырылады, бұл ғылыми және білім беру ортасында білім мен идеялар алмасуға ықпал етеді.

"ТМД-ның үздік студенті" халықаралық байқауында І дәрежелі дипломмен және арнайы төсбелгімен марапатталған Айтхожа Асыл Олжасқызы, 1703-12-4 тобының студенті, өз таланты мен қажырлы еңбегі арқылы лайықты нәтижеге жетті.

Бұл жетістікке студенттің жетекшісі, PhD, аға оқытушы Дүйсенова Маржан Молдақасымқызының қолдауы мен басшылығы да зор үлес қосты.

Ағылшын тілі кафедрасының постдокторанты, Дуйсенова Маржан Молдақасымқызы ғылым және технология саласындағы елеулі табыстары үшін "Ғылым үздігі" Құрмет дипломымен марапатталды.

Бұл жетістік кафедрамыздың және университеттіміздің білім мен ғылымдағы жоғары деңгейін тағы да дәлелдеп отыр. Маржан Молдақасымқызын шын жүректен құттықтап, алдағы уақытта жаңа жетістіктерге жете беруін тілейміз.

Т.Жүргенов атындағы Қазақ ұлттық өнер академиясы, Шет тілдері және Қазақстан халқы Ассамблеясы кафедрасының ұйымдастыруымен ағылшын тіліндегі шешендік өнер бойынша “Speech Contest 2025” олимпиада-байқауы өтті. 

Байқаудың тақырыбы - “Тіл және мәдениет”. Жарысқа Қазақстанның 12 оқу орнынан 41 студент қатысты. Олимпиада екі кезеңде өтті: бірінші турда қазылар алқасы қатысушылардың бейнежазбаларын қарастырса, екінші турда “Language and Culture” тақырыбында презентацияларымен сөз сөйледі. 

Жеңімпаздардың қатарында Ағылшын тілі кафедрасының білім алушыларымыз да табылды:

- Усанов Нурлан, 1703-32 оқу тобы, жетекшісі: Әсілбек Н.Ә.;

- Әміреш Аружан, 1703-12-5 оқу тобы, жетекшісі: Жекебаева Р.Д.;

- Сарыбай Сымбат, 1703-12-2 оқу тобы, жетекшісі: Сманова Г.И.;

- Оразхан Нұрбақ, 1703-12-4 оқу тобы, жетекшісі: Әсілбек Н.Ә.

Қазақстан Республикасының Ғылым және жоғары білім министрлігі отандық жоғары оқу орындары, оның ішінде Ө.Жәнібеков атындағы ОҚПУ-нің білім алушыларына Coursera халықаралық білім беру платформасына қолжетімділік ұсынды.

Осының арқасында білім алушылар Еуропа мен Американың жетекші университеттерінің 10 000 бұқаралық ашық онлайн-курстарынан, сондай-ақ 50-ден астам қазақ және орыс тілдеріндегі курстан тегін өте алады. Аталған курстардан өту білімдерін байытуға, көшбасшылық қасиеттерін дамытуға, қазіргі еңбек нарығында өздерінің бәсекеге қабілеттілігін арттыруға және жұмысқа орналасу мүмкіндіктерін арттыруға ықпал жасайды. Сонымен қатар, аталған білім беру ресурстарына қолжетімділік тұрақты кәсіби даму мен өсуге ықпал етеді, әрбір курсты аяқтағаннан кейін білім алушылар оны табысты аяқтағаны туралы сертификат алады.

Осылайша, 2024 жылдан бастап Ө.Жәнібеков атындағы ОҚПУ білім алушылары онлайн-курстардың кең таңдауын ұсынатын ең танымал бұқаралық платформалардың бірі - «Coursera» платформасында белсенді түрде білім алу мүмкіндігіне ие болды. Білім алушылар сабақтарды оқып қана қоймай, тікелей «Coursera» сайтында өзге де білім алушылармен сөйлесуге, тесттер мен емтихандарды тапсыруға да мүмкіндік алды.

Ө.Жәнібеков атындағы Оңтүстік Қазақстан педагогикалық университеті 6В01703-Шетел тілі: екі шетел тілі мұғалімін даярлау білім беру бағдарламасы бойынша 1703-12-5 оқу тобының білім алушысы Канжаралы Аяулым Ғалымжанқызы п.ғ.к., доцент м.а. Г.И.Сманованың жетекшілігімен MediaNet Халықаралық журналистика орталығының "SKY Leaders: Southern Kazakhstan Youth Leaders" көшбасшылар бағдарламасында оқ бойы оза шауып, үздік атанып іріктеуден сәтті өтті.

Бағдарламаның негізгі мақсаты - Түркістан облысы, Жамбыл облысы, Шымкент және Алматы қалаларындағы жоғары оқу орындарын аяқтаған жастарды кәсіби баулу, президент Қасым-Жомарт Тоқаев жолдауында айтылған әділетті Қазақстанның жастарына азаматтық бастама, контент жасау, әлеуметтік жобалар жазуды, өз аймақтарында жоба жасап үйренуге баулу.

Қазақ және ағылшын тілдерінде өтетін жоба бірнеше этаптан тұрды: онлайн-курс, екі күндік тренинг, менторинг және Алматы қаласында өтетін нетуоркинг шара. Бағдарлама аясында білім алушыларға өз бастамаларын жүзеге асыру үшін мини-грант беру мүмкіндігі қарастырылған.

Канжаралы Аяулым мен жетекшісі Г.И.Сманова ханымды шын жүректен құттықтай отырып, асқар шыңдарды бағындырып, қонар тұғырларыңыздың биік болуына тілектеспіз!

Ағылшын тілі кафедрасының меңгерушісі, п.ғ.к., доцент м.а. Сманова Газиза Илескановна Қазақстан Республикасының жоғары білім және ғылым саласын дамытуға елеулі үлес қоса отырып, өркендеу жолында атқарған абыройлы еңбегі мен адал қызметі үшін ҚР Ғылым және жоғары білім министрлігінің Құрмет грамотасымен марапатталды.

Өзбекәлі Жәнібеков атындағы Оңтүстік Қазақстан педагогикалық университеті, Ағылшын тілі кафедрасының меңгерушісі, п.ғ.к., доцент м.а. Сманова Газиза Илескановна "Білім және ғылым қызметкерлерінің кәсіподағына сіңірген еңбегі үшін кәсіподақ ұйымының күміс төсбелгісіне ие болды. 

Мархабат Байғұт шығармашылығына қатысты эсселер байқауында филология факультеті, ағылшын тілі кафедрасының "6В01703-Шетел тілі: екі шетел тілі мұғалімін даярлау" білім беру бағдарламасының 2-курс білім алушысы Шәріп Інжу 1-орын иегері атанды. Түркістан төріндегі халықаралық симпозиумда арнайы дипломмен бірге 250 000 теңгенің сертификаты табысталды.

"Dauletten қайырымдылық қоры" ЖҚ 2020 жылдан бері білімді, талантты жастарды қолдау мақсатында ұйымдастырылатын "Білімнің жұлдызы" шәкіртақы байқауының жеңімпаздары анықталды. Шәкіртақы тағайындау мақсаты - еліміздегі колледж және жоғары оқу орындарында оқитын үздік студенттерді әлеуметтік жағдайына байланысты қаржылай қолдау, олардың заманауи қоғамдық талаптарға сай дағдыларын дамыту. Байқауға Астана, Алматы, Шымкент қалаларынан және еліміздің 17 облысынан 1167 білім алушыдан өтініш түсіп, үздіктер қатарынан білім ордамыздың "6В01703-Шетел тілі: екі шетел тілі мұғалімін даярлау" білім беру бағдарламасының 3-курс білім алушысы Қанжаралы Аяулым және 1-курс білім алушысы Көбей Әсемай табылып, 100000 теңге көлемінде бірреттік шәкіртақыға ие болды.

Білім алушылардың кәсіби және тұлғалық дамуына зор мүмкіндік беретін сыртқы академиялық ұтқырлық бағдарламасы аясында 6В01703 – «Шетел тілі: екі шетел тілі мұғалімін даярлау» білім беру бағдарламасының 3-курс студенттері білім алмасу бағдарламасына қатысты.

✨ Жарқынбекова Әмина Күмісбекқызы
✨ Ажихан Әсел Ахметқызы

Студенттер академиялық ұтқырлық бағдарламасы бойынша Әзірбайжан Республикасының астанасы Баку қаласында білім алды.

🏛 Олар Әзірбайжан мемлекеттік педагогикалық университеті базасында білімдерін жетілдіріп, халықаралық тәжірибе жинақтады.

Бұл бағдарлама аясында білім алушылар:
✔️ Шетелдік жоғары оқу орнының білім беру жүйесімен танысты
✔️ Кәсіби құзыреттіліктерін арттырды
✔️ Халықаралық ортада тәжірибе алмасты
✔️ Мәдениетаралық қарым-қатынас дағдыларын дамытты

🌍 Академиялық ұтқырлық – бұл тек білім алмасу ғана емес, сонымен қатар жаңа орта, жаңа мәдениет және жаңа мүмкіндіктер!

https://www.instagram.com/reel/DVQtHGJDAai/?igsh=MXNjbXBqYnlxYW1qbg==

АҚШ Бас консулдығының қолдауымен университетке English Language Fellow бағдарламасы аясында Сан-Франциско университетінің TESOL мамандығы бойынша магистрі Ehab Khalaf келді.
Кездесуге Басқарма мүшелері мен ағылшын тілі кафедрасының меңгерушісі Маханова Ж.К., ағылшын тілі кафедрасының оқытушысы Әсілбек Н.Ә. қатысты.

📚 Эхаб Халаф ағылшын тілі кафедрасының студенттері мен магистранттарына дәріс оқып, заманауи әдістермен тәжірибе бөлісуде.

🎓 Ректор міндетін атқарушы Әлібек Нұртаев ағылшын тілі – жастардың жаһандық деңгейге шығуына жол ашатын басты құрал екенін атап өтті.

🤝 Бұл ынтымақтастық — университетіміздің халықаралық әріптестігін нығайтып, тілдік білім сапасын арттырудағы нақты қадам!

https://www.instagram.com/p/DOeFmuujCMo/?img_index=1&igsh=MWw3eWt6Nmc4N3g0eQ== 

Бүгін ағылшын тілі кафедрасында Қытай Халық Республикасының Шэньси провинциясы, Сиань қаласынан келген PhD, профессор HOU Jianbo студенттермен семинар өткізді.
Семинар барысында профессор академиялық жазылымға қатысты құнды тәжірибесімен бөлісіп, ғылыми мәтін құрастырудың негізгі қағидаларына тоқталды. Сонымен қатар студенттердің зерттеу жұмыстарына қажетті дағдыларды дамыту жолдарын көрсетіп, практикалық кеңестер берді.
Осындай халықаралық деңгейдегі кездесулер студенттердің ғылыми әлеуетін арттырып, олардың академиялық мәдениетін қалыптастыруға зор үлес қосады.

https://www.instagram.com/p/DOL-1maDD09/?igsh=aWdyd3ZjOWZsNXgw 

29.09.2025ж қаламыздың Достық ауданында жаңадан ашылған «Дарын – 2025» зияткерлік мектебінде тіл апталығына орай өткен «Тілмен өрілген тағдырлар» атты дөңгелек үстелге Өзбекәлі Жәнібеков атындағы Оңтүстік Қазақстан педагогикалық университеті Филология факультеті Ағылшын тілі кафедрасының доценті, филология ғылымдарының кандидаты Аябек Жандарбекұлы Байниязов, «Отбасын қорғау» мекемесінде әжелер кеңесінің төрайымы, ақын, жазушы, меценат Клара Лаханқызы және Muzbalaq.kz жаңалықтар порталының бас редакторы, белгілі журналист Базаркүл Қалбыр тіл жанашырлары ретінде шақырылды.
Қонақтар кездесу барысында мектеп оқушыларымен тіл туралы өздерінің ойларын бөлісті. Көп жыл туысқан Түркия Республикасында қазақ тілі мен әдебиетін насихаттап, ұстаздық еткен Аябек Байниязов бірнеше тіл білгеннің пайдасы туралы айта келе, түрік халқының және Алаш қайраткерлерінің ана тілге деген көзқарасын талдап өтті. Белгілі журналист Базаркүл Қалбыр тіл тағдырына арнайы тоқталды. Тілді қолданбаған жағдайда тіл «өлі тілге» айналатынына, тілді шұбарламай таза сөйлеу керектігіне баса назар аударды.
Мектеп оқушылары да келген қонақтарға ана тілге байланысты өлең оқып, дөңгелек үстелдің әсерлі өтуіне үлестерін қосты.

https://www.instagram.com/reel/DPMWFOQjLN6/?igsh=MWdwNXphbHRrb3k1cg==

Магистранты групп М1703-14, 14к, 24, 34, 84 представили итоговые проекты по дисциплине «Коммуникативный подход в обучении иностранного языка». Руководитель проекта: к.ф.н., доцент Абрамова Г. И.
В ходе изучения дисциплины студенты разработали яркие и содержательные обучающие пособия по английскому языку. В них:
- авторские задания и упражнения,
- красочные иллюстрации, мультфильмы
- практический материал для развития языковой и познавательной активности.
- Все проекты снабжены QR кодами и интернет ссылками.
В основу пособий легли произведения казахстанских художников: Гульфайруз Исмаиловой, Абылхана Кастеева, Григория Пономаренко, Гани Иляева, Айши Галимбаевой, Бахыта Аширбаева и др. Это позволило не только связать обучение языка с культурой, но и развить интерес, любовь к родному краю через призму иностранного языка.
Проекты стали ярким примером того, как можно объединить лингвистику, методику преподавания и искусство для эффективного и вдохновляющего обучения.

https://www.instagram.com/p/DPOnddkDHZZ/?igsh=Z3JlMWZuNjRycjJn

18.10.2025 ж. күні Абай атындағы саябақта тәрбие жұмысы жоспарына сәйкес 1-курс білім алушыларына арналған квест-ойын жоғары деңгейде ұйымдастырылып, сәтті өтті.
🎯 Шараның негізгі мақсаты – студенттер арасында топтық ауызбіршілікті арттырып, белсенділіктерін дамыту. Қатысушылар қызығушылықпен атсалысып, әлі күнге дейін әсерімен бөлісуде.
👏 Идея авторы – ағылшын тілі кафедрасының меңгерушісі Маханова Ж.К. және белсенді ұйымдастырушылар: кафедраның аға-тәлімгері Мырзахметов М., оқытушылар Абдукаримова Ж., Литвинова Е., Мұхан Ә., Сафарбаев А., Аширова Д., Әбілмансұр Ә., Жұмаділда Ш., Дроботова А. және 2-курс студенті Қоспанова А. өз алғысымызды білдіреміз!

https://www.instagram.com/reel/DQCAV9yjLHe/?igsh=MWhvem91OWhjeHc3bQ==

12 қараша күні, сағат 15:00-де
📍 137-кабинетте

АҚШ-тың Мичиган мемлекеттік университетінің профессоры,
педагогикалық білім беру саласындағы технология, оқыту және сауаттылық бойынша танымал ғалым
профессор Дуглас К. Хартман (Douglas K. Hartman)
«New Literacies and New Technologies: AI in Education – Preparing Teachers and Students for the 21st Century»
тақырыбында ағылшын тілі мамандарына арналған халықаралық семинар өткізді.

📘 Профессор Хартман — білім берудегі цифрлық технологиялар мен жаңа медиасауаттылық бойынша жетекші зерттеуші. Ол University of Illinois Urbana–Champaign университетінде философия докторы (PhD) дәрежесін қорғаған.

https://www.instagram.com/p/DQ3mlvSjPnJ/?igsh=eHZ5cjIzZGhhdm5n

Ағылшын тілі кафедрасының 2, 3, 4 курсында білім алатын 953 студенті 2024–2025 оқу жылы барысында Coursera халықаралық білім беру платформасындағы түрлі академиялық курстарды сәтті аяқтады.
Студенттер ағылшын тілі әдістемесі, лингвистика, академиялық жазылым, коммуникация, цифрлық педагогика, кәсіби даму және басқа да бағыттар бойынша әлемдік жетекші университеттердің курстарынан білім алды.
Бұл көрсеткіш – кафедраның оқу үдерісінде цифрлық ресурстарды белсенді қолдануының, халықаралық интеграцияны күшейтуінің және студенттердің кәсіби құзыреттілігін арттыруға бағытталған жүйелі жұмысының нәтижесі.
Coursera платформасы арқылы алынған сертификаттар студенттердің болашақ мансабына, халықаралық еңбек нарығында бәсекеге қабілетті болуына, заманауи дағдыларды меңгеруіне зор мүмкіндік береді.
Барлық студенттерді аталған жетістіктерімен шын жүректен құттықтаймыз!

https://www.instagram.com/p/DR1LggmjBF8/?img_index=1&igsh=MTQzcXFwM3EweW1oNg==

Ағылшын тілі кафедрасында сөйлесу клубы мен дебаттардың ашылуы!

Бүгін кафедрамызда ағылшын тілін еркін меңгеруге бағытталған сөйлесу клубы мен дебаттардың бірінші күні өтті.

Бұл жобаның негізгі идеясы, ұйымдастырылуы және жүзеге асырылуы — 1-курс студенті, 1703-95 топтың белсенді аруы Курманбекқызы Алинаға тиесілі. 

Іс-шара өте қызықты форматта өтіп, қатысушылар түрлі тапсырмалар орындап, жаңа материалдармен жұмыс істеді. Студенттер ағылшын тілінде еркін сөйлесіп, өз ойларын жеткізуге мүмкіндік алды.

Ашылуға Mr. Ehab Khalaf және ағылшын тілі кафедрасының оқытушысы Литвинова Е.А. қатысып, студенттерге қолдау білдірді.

Жобаның алғашқы қадамы сәтті өтті! Алдағы кездесулер одан да нәтижелі боларына сенеміз

https://www.instagram.com/p/DRUPQQADFlx/?igsh=cDZvYmZzZWJ0dTE3

Өзбекәлі Жәнібеков атындағы Оңтүстік Қазақстан педагогикалық университетінің Филология факультеті, Ағылшын тілі кафедрасы 9–10 сынып оқушылары арасында пәндік олимпиада өткізді.
Ұйымдастыруға жауапты: Литвинова Е.А.
Іс-шараның жоғары деңгейде өткізілуіне ағылшын тілі кафедрасының меңгерушісі Маханова Ж.К., барлық оқытушылары мен 1703-12-5 тобының 4 курс студенттері өз үлесін қосты.
Комиссия құрамы: Шингарева М.Ю., Абрамова Г.И., Ehab Khalaf.
🔹 Олимпиадаға жалпы білім беретін мектептердің, лицейлер мен гимназиялардың 9–10 сынып оқушылары қатысты.
🔹 Байқау 2 кезеңнен тұрды: тыңдалым және мәтінмен жұмыс, сондай-ақ ауызша сөйлеу бөлімі.

🏆 Жеңімпаздар I, II, III дәрежелі дипломдармен марапатталды.
Барлық қатысушыларға алғыс айтамыз және алдағы жетістіктеріне сәттілік тілейміз!

https://www.instagram.com/reel/DRm7oBOjGvM/?igsh=MWY4MGR5cnZidGgwNg==

24.12.2024ж "Филология" факультетінде, "Ағылшын тілі" кафедрасында, студенттер арасында «Ұлттық диктант» іс-шарасы өтті ✍️
Бұл жоба мемлекеттік тілдің мәртебесін арттырып, жазу сауаттылығын дамытуға бағытталған маңызды бастама. Қатысушылар Ахмет Байтұрсынұлының еңбектерінен және «Отан» тақырыбындағы мәтіндер арқылы өз білімдерін сынады.

Ана тілімізге деген құрмет пен ұлттық бірегейлікті нығайту жолындағы бұл шараға белсенді қатысқан барлық студенттерге алғысымызды білдіреміз!

https://www.instagram.com/reel/DSo8ZICDG52/?igsh=MWtwN29rdTFrMjBzdA==

🏆Ағылшын тілі кафедрасының меңгерушісі, PhD, қауымдастырылған профессор м.а. Маханова Жанна Кудайбергеновнаны зор жетістігімен шын жүректен құттықтаймыз!

Мемлекет басшысы Қасым-Жомарт Кемелұлы Тоқаевтың
«Тәуелсіздік бәрінен қымбат!» атты бағдарламалық мақаласын қоғамға кеңінен насихаттау мақсатында өткен республикалық байқауға қатысып,
«ЖЫЛ АДАМЫ – 2025» атағына ие болып, жеңімпаз атанды.

Бұл жетістік – білім беру мен ғылым саласындағы қажырлы еңбектің, жоғары кәсібиліктің айқын көрінісі. Алдағы қызметіңізге толағай табыс, шығармашылық шабыт тілейміз!

https://www.instagram.com/p/DTP-p1mDG_N/?igsh=MXRidDZhaWJvdzhoaA==

21.01.2026 ж. филология факультетінің «Ағылшын тілі» кафедрасында оқу-әдістемелік семинар өтті, оның аясында кафедра оқытушысы А.В. Дроботова “Using ChatGPT and AI-Based Tools for Writing and Speaking Practice” тақырыбында баяндама жасады. Аталған семинарға кафедра меңгерушісі Маханова Ж.К. және кафедраның профессор-оқытушылар құрамы қатысты.
Іс-шара барысында білім беру үдерісіне цифрлық технологияларды енгізудің өзекті мәселелері және олардың шет тілдерін оқытуды жетілдірудегі рөлі талқыланды. Жасанды интеллекттің студенттердің оқу қызметін қолдауға және жазбаша әрі ауызша сөйлеу дағдыларын дамытуға бағытталған құрал ретіндегі мүмкіндіктеріне ерекше назар аударылды.
Семинарға қатысушылар мұндай бастамалар әдістемелік тәсілдерді жаңартуға және тілдік білім беру саласындағы заманауи талаптарға сәйкес тиімді шешімдерді іздестіруге ықпал ететінін атап өтті. Қорытындылай келе, ЖИ-негізіндегі құралдарды пайдалану оқытудың тиімділігін арттыруға және болашақ мамандарды даярлау сапасын жақсартуға мүмкіндік беретіні көрсетілді.

https://www.instagram.com/p/DUAX-qcDMuM/?igsh=MWhsYXBidWt6bWZqMA==

Бүгін 30.01.26ж. Өзбекәлі Жәнібеков атындағы Оңтүстік Қазақстан педагогикалық университетінің Басқарма мүшесі – Академиялық мәселер жөніндегі проректор Ж.О.Жилбаев бастаған университет басшылығына Ағылшын тілі кафедрасы мен аталған кафедраның филиалы Кеңес Одағының батыры Сағадат Нұрмағамбетов атындағы #72 жалпы орта білім беретін мектеп арасында оқушылардың білімін көтеру, ағылшын пәні мұғалімдерінің біліктілігін көтеру мақсатында жасалып жатқан іс-шаралар туралы баяндалды.
Кездесуге мектеп директорының орынбасары, оқу-әдістемелік бірлестіктердің жетекшілері және кафедра оқытушылары қатысты. Академиялық мәселер жөніндегі проректор Ж.О.Жилбаев кездесуде жасалып жатқан жұмыстардың педагог-ұстаз тәрбиелеудегі маңыздылығына тоқталды. Кафедра меңгерушісі PhD, қауымдастырылған профессор м.а. Маханова Ж.К. Ағылшын тілі кафедрасы мен мектеп арасындағы ынтымақтастықтың бағыттары, қандай іс-шаралар жүргізіліп жатқандығы жайында ақпарат берді.
Мектеп директоры Усманов Бегмат Нуралиевич, мектеп директорының орынбасары Жекенова Гаухар Серікбайқызы өзекті мәселелер қозғалған дөңгелек үстелден кейін Басқарма мүшелеріне мектептің материалдық-техникалық базасын көрсетті.

https://www.instagram.com/p/DUIbDi6jHfI/?igsh=MWlleHF6dTlydmc3Mw==

🔬 Ғылыми ойлау – болашақ маманның басты дағдысы

Ө.Жәнібеков атындағы ОҚПУ, Филология факультеті "Ағылшын тілі" кафедрасының оқытушысы Қадырқұл А.Б. С.Нұрмағамбетов атындағы №72 жалпы орта білім беретін мектептің 11-сынып оқушыларына арналған “Young Researcher: From Idea to Scientific Project” тақырыбында ағылшын тілінде интерактивті семинар өткізді🇬🇧📊
Семинардың басты мақсаты – оқушылардың ғылыми-зерттеу дағдыларын дамыту, сыни ойлау қабілетін қалыптастыру және ғылымға қызығушылығын арттыру.
Іс-шара барысында оқушылар:
✔ ғылыми зерттеу мен ғылыми жобаның айырмашылығын білді
✔ зерттеу тақырыбын таңдауды үйренді
✔ research question және hypothesis құрастырды
✔ топпен жұмыс жасап, өз идеяларын ұсынды

https://www.instagram.com/p/DUS7qbUDOBq/?igsh=MW9vdXI4dXZ4MGh4NQ==

Педагогикалық практика бойынша Назарбаев Зияткерлік мектебі (химия-биология бағыты) базасында 6В01703 – «Шетел тілі: екі шетел тілі мұғалімін даярлау» білім беру бағдарламасының 4 курс білім алушылары педагогикалық практикадан өтуде.

1703-12-3 тобының білім алушылары Назарбаев Зияткерлік мектебінде оқу үдерісіне белсенді қатысуда. Олар сыныптарда сабақ өткізіп, теориялық білімдерін тәжірибеде қолданып, сондай-ақ тәрбие сағаттарын ұйымдастыру арқылы кәсіби дағдыларын жетілдіруде.

Сонымен қатар, 1703-12-6 тобының студенттері педагогикалық практикадан №4 Х.Досмұхамедов атындағы жалпы орта мектепте және 1703-12 оқу тобы №2 «Talant» жалпы білім беру мектебінде өтуде. Бұл білім беру ұйымдарында да студенттер сабақтар мен тәрбие сағаттарын өткізіп, педагогикалық қызметтің негізгі бағыттарын меңгеріп, жауапкершілік пен кәсіби құзыреттілікті қалыптастыруда.

https://www.instagram.com/p/DUbJUWPDJc2/?igsh=aXhlbHhzazVvbnA0

7М01703-Шетел тілі:екі шетел тілі педагогін даярлау білім беру бағдарламасының магистранттары педагогикалық практика аясында ағылшын тілі кафедрасының оқытушыларының жетекшілігімен кафедра филиалы С. Нұрмағамбетов атындағы №72 жалпы орта мектептің 7-сынып оқушыларына арналған ағылшын тілі бойынша викторина өткізді.

Іс-шара" Harry Potter" тақырыбында ұйымдастырылып, оның негізгі мақсаты – оқушылардың ағылшын тіліне деген қызығушылығын арттыру және тілдік білімдерін шығармашылық форматта дамыту болды.

Викторина барысында оқушылар жоғары белсенділік танытып, ұсынылған тапсырмаларды қызығушылықпен әрі жоғары деңгейде орындады.

Аталған іс-шара білім алушылардың шетел тілін меңгеруге деген ынтасын арттыруға және олардың коммуникативтік дағдыларын дамытуға оң ықпал етті.

https://www.instagram.com/p/DUlNMq7jHEt/?igsh=eHRyZWEzZnp3b2Ux

6В01703 – «Шетел тілі: екі шетел тілі мұғалімін даярлау» білім беру бағдарламасының
4 курс, 1703-12-3 оқу тобының білім алушылары Қамбардин Әсем, Аюбек Жанель, Абдраймова Балауса. Практика жетекшісі: аға оқытушы Жекебаева Р.Д.

Химия-биология бағытындағы Назарбаев Зияткерлік мектебінде педагогикалық практика барысында «Global Citizenship» апталығы аясында оқушы–мұғалім–ата-ана арасында интеллектуалды сайыс ұйымдастырды.

Бұл сайыс нағыз білім мен ой ұшқырлығының алаңына айналды.
Қатысушылар терең білімдерін, сыни ойлау қабілеттерін және командалық жұмыс дағдыларын жоғары деңгейде көрсете білді.
Әр кезең ерекше тартысқа толы болып, білімге деген қызығушылық пен жауапкершілікті арттырды.

Студенттер білікті ұстаздармен бірге жаһандық тұрғыда ойлайтын, белсенді әрі саналы ұрпақ тәрбиелеу жолында өз үлестерін қосты.

https://www.instagram.com/p/DUqW7F_jIo2/?igsh=cjFuOGJiZWQ2bWM0

2026 жылдың 02 ақпаны мен 16 ақпаны аралығында 7М01703 – «Шетел тілі: екі шетел тілі педагогін даярлау» білім беру бағдарламасының 2-курс магистранттары ғылыми тағылымдамадан өтті.
Ғылыми тағылымдама үш жоғары оқу орнында ұйымдастырылды:
- М. Әуезов атындағы Оңтүстік Қазақстан зерттеу университеті
- Қожа Ахмет Ясауи атындағы Халықаралық қазақ-түрік университеті
- Гази университеті (Түркия)
Ғылыми тағылымдама барысында магистранттар шетел тілдерін оқыту әдістемесі, заманауи педагогикалық технологиялар және ғылыми-зерттеу жұмыстарын ұйымдастыру бағыттары бойынша тәжірибе алмасты. Сонымен қатар, шетелдік және отандық ғалымдардың дәрістеріне қатысып, академиялық ұтқырлық аясында халықаралық тәжірибемен танысты.
Тағылымдама нәтижесінде магистранттар кәсіби құзыреттіліктерін жетілдіріп, ғылыми-зерттеу дағдыларын дамытты және болашақ педагог ретінде тәжірибелік білімдерін толықтырды.

https://www.instagram.com/p/DUzmCo1jJ8Y/?img_index=3&igsh=MXg0ODVqNmZheHo2cg==

TEDx Club өз жұмысын бастады!
Ағылшын тілі кафедрасының бастамасымен ұйымдастырылған TEDx Club жобасы ресми түрде ашылып, алғашқы отырысын сәтті өткізді. 1-курс студенттері белсенділік танытып, өз идеяларын ортаға салды. Әсіресе 1703-55 және 1703-15 топтарының студенттері талқылауға белсене қатысып, өз көзқарастарын еркін білдірді.
Ұйымдастырушылар әрі спикерлер - Әубәкір Арайлым, Әріпбай Диана, Жамалиддин Сабина, Тулбаси Аяулым “The New Beginnings” тақырыбы аясында өз ойларымен бөлісіп, клубтың мақсат-міндеттерімен таныстырды. Қызықты талқылау мен ашық пікір алмасу арқылы студенттердің мотивациясын арттырып, жаңа бастамаларға шабыт берді.
Сонымен қатар, Жаңабай Ақниет пен Асқарұлы Мұхаммеджан кездесу барысында техникалық қолдау жағынан белсенділік танытып, TEDx Club-тың жоғары деңгейде өтуіне өз үлестерін қосып, ұйымдастыру жұмыстарына үлкен көмек көрсетті.
Ағылшын тілі кафедрасының оқытушысы Екатерина Алексеевна мен тәжірибе барысындағы М1703-15 тобының 1 курс магистранты Нұрай Әлиқызы кездесу соңында қорытынды сөз сөйлеп, студенттерді белсенді оқу үдерісіне қатысуға жігерлендіріп, олардың үздік нәтижелерге қол жеткізетініне сенім білдірді. Ұстаздарға қолдауы мен бағыт-бағдары үшін шынайы алғысымызды білдіреміз.
TEDx Club - ағылшын тілінде еркін сөйлеуді, сыни ойлауды және көпшілік алдында сенімді сөйлеу дағдысын дамытатын жаңа алаң. Бұл - идеялармен бөлісетін, тұлғалық дамуға жол ашатын және көшбасшылық қабілеттерді шыңдайтын орта. Алдағы уақытта клуб жұмысы жалғасып, тың идеялар мен мазмұнды кездесулер ұйымдастырылады. Till step up клубы ұйымдастырушылары мен барша қатысушыларына алдағы уақытта сәттілік тілейміз!

https://www.instagram.com/reel/DVFlPdxDI2q/?igsh=MWM3NnFuY2xlMW83dA==

Білім алушылардың кәсіби және тұлғалық дамуын қамтамасыз етуге бағытталған сыртқы академиялық ұтқырлық бағдарламасы аясында 6В01703 – «Шетел тілі: екі шетел тілі мұғалімін даярлау» білім беру бағдарламасының 2–3 курс студенттері халықаралық білім алмасу бағдарламасына қатысты.

Академиялық ұтқырлық шеңберінде студенттер Чехия Республикасы аумағындағы Оломоуц қаласында білім алды. Бағдарлама барысында білім алушылар шетелдік жоғары оқу орнының білім беру үдерісімен танысып, кәсіби құзыреттерін жетілдіруге және мәдениетаралық коммуникация дағдыларын дамытуға мүмкіндік алды.

Академиялық ұтқырлық бағдарламасына қатысқан студенттер:
– Тұрсынбекова Рабия Мұратқызы
– Мамырбаева Амина Серікқызы
– Бекбатыр Даяна Ғаниқызы
– Мейрамова Нұрсезім Ғазизқызы
– Әшірбек Ақнұр Бегалықызы
– Әшірбек Әлия Алиасқарқызы
– Убайдулла Каусар Сыпатайқызы
– Толкинова Дилнура Умиджановна

Студенттер Палацкий университеті базасында білімдерін жетілдіріп, халықаралық академиялық ортада тәжірибе жинақтады. Бағдарлама аясында олар заманауи педагогикалық технологиялармен танысып, шетел тілдерін оқыту әдістемесі бойынша білімдерін тереңдетті, сондай-ақ академиялық және зерттеушілік дағдыларын дамытуға мүмкіндік алды.

Аталған академиялық ұтқырлық бағдарламасы білім алушылардың кәсіби бәсекеге қабілеттілігін арттыруға, халықаралық ынтымақтастықты нығайтуға және жаһандық білім беру кеңістігіне ықпалдасуына мүмкіндік берді.

https://www.instagram.com/reel/DVQtQ3NjPQx/?igsh=MXRqNTJ6MmxoeXk2eA==

Сыртқы академиялық ұтқырлық бағдарламасы шеңберінде 6В01703 – «Шетел тілі: екі шетел тілі мұғалімін даярлау» білім беру бағдарламасының 2–3 курс студенттері халықаралық білім беру кеңістігінде тәжірибе алмасу мүмкіндігіне ие болды. Бағдарламаның негізгі мақсаты – болашақ педагогтердің кәсіби құзыреттерін кеңейту, олардың академиялық дербестігін арттыру және мәдениетаралық коммуникация дағдыларын жетілдіру.

Академиялық ұтқырлық аясында студенттер Польша Республикасы аумағындағы Лодзь қаласында білім алды. Шетелдік жоғары оқу орнының білім беру үдерісіне қатысу арқылы олар еуропалық білім беру стандарттарының ерекшеліктерімен танысып, заманауи оқыту технологияларын меңгерді.

Бағдарламаға қатысқан білім алушылар:
– Мухамеджанова Айжан Асыл қизи
– Мухаметжанқызы Аружан
– Анарматов Ирисдавлат Шухратович
– Ауелбек Балерке Бахытбекқызы
– Ашурбеков Хусниддин Холиддинович

Студенттер Лодзь университеті базасында академиялық білімдерін толықтырып, ғылыми-әдістемелік бағытта тәжірибе жинақтады. Оқу барысында олар шетел тілдерін оқыту әдістемесі, педагогикалық зерттеу жүргізу, академиялық жазылым және кәсіби коммуникация салаларында білімдерін тереңдетті.

Аталған академиялық ұтқырлық бағдарламасы болашақ мамандардың халықаралық деңгейде бәсекеге қабілеттілігін арттырып, олардың кәсіби көкжиегін кеңейтуге және тұлғалық әлеуетін дамытуға елеулі ықпал етті.

https://www.instagram.com/p/DVQtw-WjE4n/?igsh=MWp1Yno2OTBtbGpseA==

▫️Өзбекәлі Жәнібеков атындағы Оңтүстік Қазақстан педагогикалық университеті Филология факультеті Ағылшын тілі кафедрасының «Шетел тілі: екі шетел тілі мұғалімін даярлау» Білім беру бағдарламасында оқитын білім алушыларына Түркия Республикасы Ардахан қаласынан ұтқырлық бағдарламасы аясында келген Ардахан университеті Түрік тілі мен әдебиеті кафедрасының меңгерушісі профессор, доктор Мустафа Шенел «Түрік тілін оқытуда Жасанды Интеллектің алатын орны» тақырыбында дәріс оқыды. Тәжірибелі профессор Түркияда көптеген магистрант пен докторант дайындаған білікті маман. Дәріс барысында жасанды интеллекттің оқу үрдісінде қолдану ерекшелігіне ерекше тоқталды.

▫️Дәріске түрік тілін үйреніп жүрген 2-3 курс студенттері қатыстып, белсенділік танытты. Сондай-ақ, іс-шараға Филология факультетінің деканы Масалиева Ж. А., Ағылшын тілі кафедрасының меңгерушісі Маханова Ж. К. және Ағылшын тілі кафедрасының оқытушылары қатысты.

▫️Келешекте білім алушыларымыздың тілдік тәжірибесін арттыру мақсатында профессор Мұстафа Шенелдің дәрістерін онлайн формасында да тыңдайтын болады.

https://www.instagram.com/reel/DVP2GzIjNRW/?igsh=bzB1Yjg4bHVubXJx

Қысқы спартакиада – салауатты өмір салты мен командалық рухтың айқын көрінісі! ❄️🏆

8 факультет арасында өткен қысқы спартакиадада ағылшын тілі кафедрасының оқытушылары жоғары нәтиже көрсетіп, жүлделі орындарға ие болды.
🎾 Теннис жарысы бойынша
Жумадулла Е., Назарова М., Сәрсенбай Е. қатысып, ойын нәтижесінде І орынды жеңіп алды.
🏐 Волейбол жарысы бойынша
Сафарбаев А., Есмаханбет А., Жумадулла Е., Сәрсенбай Е., Қадырқұл А. қатысып, үздік ойын көрсетіп, ІІ орынды иеленді.
Ағылшын тілі кафедрасының оқытушыларын жоғары жетістіктерімен құттықтаймыз!

https://www.instagram.com/p/DTdDlTQDKLT/?igsh=NWo5N3A3MWhxY2Zv

“Оңтүстік” телеарнасында
Бегалиева Рауан - Үздіксіз білім беру орталығының басшысы, педагогика ғылымдарының кандидаты

Байырбекова Ләззат - «Күміс университет» жобасы аясында ұйымдастырылған «Компьютерлік және цифрлық сауаттылық» бағдарламасының оқытушысы

Байниязов Аябек - «Күміс университет» жобасы аясында ұйымдастырылған «Компьютерлік және цифрлық сауаттылық» бағдарламасының тыңдаушысы, яғни білім алушысы, /58 жаста/ “Күміс университетінің” мүмкіншіліктері туралы баяндады.

https://www.instagram.com/p/DRSHCvHDPBB/?igsh=MWhxYWs0aTV4anIwdQ==

14.10.2025ж Муғла Сыткы Кочман университетінің профессоры, доктор Кенан Коч филология факультеті студенттеріне түркология, қазақ тіл білімінің дамуы жайлы дәріс оқыды. Ғалым өзінің ғылыми ізденістерін қазақ тілімен байланыстыра жүргізгенін, белгілі тілші-ғалым Мейірбек Оразовтан диссертация қорғағанын тілге тиек ете келіп, дәрісінде қазақ тіл білімінің қалыптасуына үлес қосқан ғалымдардың еңбектеріне кеңірек тоқталды. Студенттердің сұрақтарына жауап берді. Кездесу соңында қазақ тілі мен әдебиеті кафедрасының профессоры Базаркүл Омар ғалымның ғылыми талдауларын қорытындылады. Студенттерімізге пайдалы болған кездесуді факультет деканы Жанар Масалиева жүргізіп отырды. Аталмыш іс-шарадан кейін Кенан Коч филология факультетінің «Тұмар» ғимаратын аралады.

https://www.instagram.com/p/DP0WzzGjK_O/?igsh=MWFla2J4N2hpZDV1ag==

Кураторлар студенттік топтармен бірге маңызды және өзекті тақырыптарды қамтыған кураторлық сағат өткізді. Кездесу барысында лудомания (құмар ойынға тәуелділік), суицидтің алдын алу, және нашақорлықтың зияны тақырыптары талқыланды.
Мақсат — жастар арасында салауатты өмір салтын насихаттау, өмірлік қиындықтарға төтеп берудің дұрыс жолдарын үйрету және психологиялық қолдау көрсету.
Студенттер белсенді қатысып, өз пікірлерін білдірді, сұрақтарына жауап алды. Осындай кездесулер жастардың өмірге деген көзқарасын қалыптастыруға және өз-өзін дамытуға зор ықпал етеді.

https://www.instagram.com/reel/DQYf8fnjMUt/?igsh=bHpzcGMyZDF4dDBn

🏆Ағылшын тілі кафедрасының доценті, филология ғылымдарының кандидаты Байниязов Аябек Жандарбекұлын зор жетістігімен шын жүректен құттықтаймыз!

Мемлекет басшысы Қасым-Жомарт Кемелұлы Тоқаевтың «Тәуелсіздік бәрінен қымбат!» атты бағдарламалық мақаласын қоғамға кеңінен насихаттау мақсатында өткен республикалық байқауға қатысып, «ЖЫЛ АДАМЫ – 2025» атағына ие болып, жеңімпаз атанды.

Алдағы еңбек жолыңызға табыс, мықты денсаулық, шығармашылық шабыт пен жаңа жетістіктер тілейміз!

https://www.instagram.com/p/DTSkvjjjDX3/?igsh=b2twYjJ6a3IyeTlp

Республикалық «Абай оқулары» конкурсында студентіміз ІІ орын иеленді 🥈
Бұл байқау қазақ халқының ұлы ақыны, ағартушысы Абай Құнанбайұлының шығармаларын кеңінен насихаттауға бағытталған. Студентіміздің жүлделі орын алуы – оның білімге деген талпынысы мен еңбегінің нәтижесі.
Жетекшісі: Жұмаділда Шапағат Азаматқызы.
Студентімізді және жетекшісін осы жетістігімен шын жүректен құттықтаймыз! Алдағы уақытта да биік белестерден көріне беруіне тілектеспіз.

Халықаралық ғылыми әріптестік

Университетіміздің Басқарма төрағасы – ректордың м.а. Әлібек Нұртаев профессор HOU Jianbo-ны жылы қабылдап, білім алушылар мен жас ғалымдарды қолдау көрсетуге әзірлігі үшін алғыс айтты.

▫️Шетелдік ғалым «Ағылшын тілі» және «Шетел тілдері және аударма ісі» кафедраларында дәріс оқып, семинарлар өткізеді.
▫️Сонымен қатар, студенттер мен жас зерттеушілерге ғылыми зерттеу, академиялық хат жазу, халықаралық жобаларға қатысу бағытында кеңестер береді.

https://www.instagram.com/p/DOaHVAQDLxe/?igsh=MWF5NnQ5dTB0bXBmbg==

PhD, профессор HOU Jianbo "The Path to Academic Innovation: How to Think in an Academic Way" тақырыбына семинар өткізді.

Аударма ісі және шетел тілдері және ағылшын тілі кафедрасының оқытушыларына профессор Hou Jianbo қатысқан әдістемелік семинар өтті. Ағылшын тілі кафедрасының меңгерушісі Маханова Ж.К. қатысты.

Семинар барысында профессор академиялық ойлаудың негіздері мен ғылыми жаңашылдыққа жету жолдары жөнінде жан-жақты мәлімет берді. Сонымен қатар, академиялық жазылым, ғылыми мәтін құрастыру және зерттеу дағдыларын дамыту бойынша тәжірибесімен бөлісті.

https://www.instagram.com/p/DOwEKc2DLGj/?img_index=1&igsh=OXRicHRpYnB1ZHU4

14.11.2025ж Академиялық артықшылық және коммерциализация орталығының басшысы Барикулов Руслан, Ағылшын тілі кафедрасының ОПҚ мүшелері мен студенттеріне "Doing research using AI tools" тақырыбында семинар өтті.
▫️Семинарда әдебиетке шолу мен деректерді өңдеуде ЖИ құралдарын қалай дұрыс қолдану керек екендігі туралы айтылды. Сондай-ақ, Scopus және Web of Science ғылыми деректер базасынан ғылыми жұмыстарды іздеуде Бульдік іздеу әдісін (Boolean search) қолдану жолдарын түсіндірді. Бульдік іздеу - логикалық операторларды (ЖӘНЕ - "AND", НЕМЕСЕ - "OR", ЕМЕС - "NOT") пайдаланып күрделі іздеу сұраныстарын құру әдісі. Бұл әдіс пайдаланушыларға іздеу терминдерін және кілт сөздерді біріктіру арқылы іздеу нәтижелерін ең өзектілеріне дейін тарылтуға немесе іздеу нәтижелерін кеңейтуге және қажетті ақпарат алуға мүмкіндік береді. Бұл әдіс іздеу жүйелерінде (search engine) де, әртүрлі веб-сайттарда да қолданылады.

https://www.instagram.com/p/DRC1UnrjB17/?igsh=MTgzbmdlanFwa2Yxcg==

▫️Ағылшын тілі кафедрасының доценті, ф.ғ.к. Шингарева М.Ю. оқытушыларға арналған «Оқытушы жұмысындағы жасанды интеллект: бағалау, мониторинг және жеке оқу траекториялары» тақырыбында практикалық семинар өткізді.

▫️Семинарға ағылшын тілі кафедрасының оқытушылары және 2 курс магистранттары қатысты. Семинар барысында оқу жетістіктерін бағалауда, студенттердің оқу үлгерімін мониторингтеуде, оқу тәуекелдерін алдын ала болжауда және жеке оқу траекторияларын құруда жасанды интеллект құралдарын тиімді қолдану жолдары көрсетілді. Сондай-ақ, мәтіндерді талдауға арналған Voyant Tools және AntConc құралдарының мүмкіндіктері қарастырылып, оларды лингвистикалық талдау мен академиялық жазылымды бағалауда қолдану тәсілдері түсіндірілді.

https://www.instagram.com/p/DSzbVy0jJyv/?igsh=MWE3enlrNHE0a293dQ==