Сүйінші, Астанадан ақжолтай жақсы жаңалық жетті!
Құлбек Ергөбек Сәрсенұлы - Мемлекеттік сыйлық иегері!
Құттықтаймыз!
Мемлекет басшысы Қасым-Жомарт Кемелұлы Тоқаевтың жарлығымен сарабдал сыншы, талантты жазушы, зерттеуші ғалым-ұстаз Құлбек Ергөбек Сәрсенұлы «Адамның бір қызығы бала деген» кітабы үшін Абай атындағы әдебиет пен өнер саласындағы мемлекеттік сыйлықпен марапатталды.
Бұл - қазақ әдебиетіне, әдебиеттану ғылымына, кішкентайлардың үлкен әдебиеті - балалар әдебиетіне берілген теңдессіз марапат деп білеміз.
Жазушы, әдебиет сыншысы, филология ғылымдарының докторы, профессор Құлбек ағай әдеби процесске тым ерте араласты. Мәдени һәм әдеби майданның бел ортасында жүріп, шындық үшін күресте қалам-қаруын тастамай, ақиқатты айнымас серік етіп келеді Қаламгерлікпен қатар ұстаздық қызметті ғылыммен ұштастырып, көптеген шәкірттер тәрбиелеуде. Оларды білімге, ғылымға баулуда.
Өзбекәлі Жәнібеков атындағы Оңтүстік Қазақстан педагогикалық университеті Басқарма басшысы - Ректордың кеңесшісі, Қазақ тілі мен әдебиеті кафедрасының құрметті ұстазы, Гуманитарлық Ғылымдар академиясының, Халықаралық Ш.Айтматов академиясының академигі, Қазақстан Жазушылар, Журналистер одақтарының мүшесі, Қазақстан Жазушылар Одағы Басқарма мүшесі, «Егемен Қазақстан» газетінің құрметті тілшісі. Халықаралық Алаш сыйлығының лауреаты, «Парасат» орденінің иегері Құлбек ағайды мемлекеттік марпатымен шын жүректен құттықтап, мол күш-қуат, шығармашылық табыс тілейміз.
Құлбек Ергөбек Сәрсенұлы 700-ден астам мақала мен 30-дан астам еңбектің авторы. «Адасқандар ақиқаты», «Терең тамырлар» повест-зерттеулері, «Жан жылуы» (1981), «Сәбит Мұқанов» (1989), «Жақсыдан қалған сөз» (1991), «Баянғұмыр» (1991), «Сәбит Мұқанов» (1999), «Жазушы шеберханасы» (2002), «Мейірім шуағы» (1985), «Өтебай Тұрманжанов» (1992), монографиясы, «Арыстар мен Ағыстар» сын кітабы, «Қазақ совет балалар жазушылары» (1990) анықтамалығы, «Сөзстан» (1985), тағы басқа кітаптары ұлт әдебиетінің рухани қазынасы.

 ҚҰТТЫҚТАЙМЫЗ!!!

     Ө.Жәнібеков атындағы Оңтүстік Қазақстан Педагогикалық университетінде  6  наурыз күні «Рух сардары» деген атпен ақындар айтысы өтті. Ө.Жәнібековке арналып өткен айтысқа республикамыздың әр аймағынан Аян Ниязбек, Айым Асылбекқызы, Ердәулет Ыбыраев, Нұрбол Жауынбаев, Дәурен Ысқақ, Жандос Мырзабеков, Нұрдәулет Өмірбеков, Мейіржан Жарылқап, Нұрмахан Жақыпбек, Әсет Ақылжанов, Мейірбек Жақсылықов, Ахметрасул Баянбай, Даниял Болысбек, Сұлтан Сәуірхан сияқты жас ақындар қатысып, өз өнерлерін көрсетті.  Филология факультеті 6В01701 - Қазақ тілі мен әдебиеті мұғалімін даярлау білім беру бағдарламасының бірінші курс студенті Сәуірхан Сұлтан Ерланұлы сөз додасында озып шығып, жүлделі екінші орынды иеленді. Айтыс  тапқырлық пен ұшқыр ойдың, шешендіктің көркем көрінісі.  Айтыс – ұлттық құндылықтарымызды бойына жинаған сөз өнері. Табиғатынан өнерге жақын Сұлтан 13 жасынан бастап айтыс сахнасында өз өнерін көрсетіп келеді. Қазіргі таңда көптеген айтыстардың жеңімпазы. 
Сәуірхан Сұлтанды жеңісімен құттықтаймыз. Ұлттық құндылығымызды жаңғыртып жүрген Сұлтанға болашақта да сәттілік тілейміз!

Оңтүстік Қазақстан мемлекеттік педагогикалық университеті Филология факультеті, Қазақ тілі мен әдебиеті кафедрасының 1701-11 оқу тобының студенті, мемлекеттік білім грантының иегері, "Алқа" әдеби бірлестігінің жетекшісі Сатбаева Әйкен "Bilim-Orkenieti" ұлттық-инновациялық ғылыми-зерттеу орталығы ұйымдастырған "Жаңа Қазақстан Жастар саясатының үздігі" республикалық байқауына қатысып, І-дәрежелі диплом мен төсбелгі иегері атанды. Жаңа Қазақстанның дамуына белсене атсалысып, тұғырлы елдің ертеңін қалаушы жастарымыз көп болсын!

Қазақстан Республикасының негізі қаланған 25 қазан - Республика күні мерекесіне орай Ө.Жәнібеков атындағы Оңтүстік Қазақстан педагогикалық университетінің профессоры, Қазақ тілі мен әдебиеті кафедрасының ардагер ұстазы, ғалым, филология ғылымдарының кандидаты, доцент Омар Базаркүл Қалтайқызы тіл саясатын дамытуға ерекше үлес қосқаны және тілдерді дамыту саласын жетілдіруге белсенді атсалысқаны үшін "Ана тілін дамытуға қосқан үлесі үшін" төсбелгісімен марапатталды.
Базаркүл апайды марапатымен құттықтап, зор денсаулық, мол күш-қуат тілейміз.

 Абай атындағы Қазақ Ұлттық педагогикалық университетінің 95 жылдығына орай жастарымыздың шебер де шешен сөйлеу дағдысын қалыптастыру, көшбасшылық қабілетін, жан-жақты тұлғалық дамуын жетілдіру мақсатында студенттер арасында өткен ІІ республикалық "Ділмар" шешендік өнер байқауында Оңтүстік Қазақстан мемлекеттік педагогикалық университеті Филология факультеті, Қазақ тілі мен әдебиеті кафедрасының 1-курс студенті Алтынбекова Динара Талғатқызы 1-орынды иеленіп, жеңімпаз атанды. Арнайы дипломмен және 300 000 теңгемен марапатталды.

   Ата-бабаларымыздың рухани мұрасын ұлықтаған, жан-жақты дамыған көшбасшы тұлға болуға ниетті жалынды, жігерлі, намысты жастар қатысатын сөз додасына "Ділмәр" шешендік өнер байқауының жоба авторы - Жарқын Саленұлы.

   Байқау демеушісі: "Атамұра" корпорациясы.

Өзбекәлі Жәнібеков атындағы Оңтүстік Қазақстан педагогикалық университеті Оқмпу Филология Факультеті ОҚМПУ Қазақ тілі мен әдебиеті кафедрасының үшінші курс студенті Нұризат Сайлауқызы «Мұзбалақ Мұқағали» республикалық көркемсөз, мәнерлеп оқу, актерлік шеберлік байқауынан жүлделі
І орын иеленді.

Студенттер мен оқушылар арасында өткен байқау ақын Мұқағали Мақатаевтың шығармашылығын насихаттауға, шығармашылық қабілетін, эстетикалық талғамын шыңдауға арналды.

Жеңімпаз студенттердің жетекшісі - түлегіміз, мәдениет бөлімінің мәдени іс-шаралар ұйымдастырушысы Нұрлан Нұргерім.

Өзбекәлі Жәнібеков атындағы Оңтүстік Қазақстан педагогикалық университетінің Қазақ тілі мен әдебиеті кафедрасының 8D01701-Қазақ тілі мен әдебиеті педагогін даярлау білім беру бағдарламасы бойынша түлегі Айтенова Динара Оразбаевнаны философия докторы (PhD) дипломын алуымен құттықтаймыз!

Өзбекәлі Жәнібеков атындағы Оңтүстік Қазақстан педагогикалық университеті Филология факультеті, Қазақ тілі мен әдебиеті кафедрасы 2302-13 оқу тобының білімалушысы Омарбекова Айжан “Қазақстанның үздік студенті” атанды. Астана қаласында мемлекет басшысы Қасым-Жомарт Кемелұлы Тоқаевтың “Адал адам-Адал еңбек-Адал табыс” атты бағдарламалық мақаласындағы ұлттық құндылықтарды республикамыздың жастары арасында кеңінен насихаттау мақсатында өткізілген республикалық байқауға қатысқан Омарбекова Айжан диплом және төсбелгімен марапатталды. Жетекшісі, оқытушы Арынбаева Ділдәгүл Жанайдарқызына ұйымдастырушылар атынан алғыс хат табысталды.
Айжанға бағындырар белестерің көп болсын дейміз!

Ө.Жәнібеков атындағы Оңтүстік Қазақстан педагогикалық университетінде 25 қазан - Республика күніне орай ұйымдастырылған "Республика күні - мақтанышым" атты мақалалар байқауына қатысып, жүлделі І орын иеленген Филология факультетінің 6В017 - Қазақ тілі мен әдебиеті мұғалімін даярлау БББ бітіруші курс студенті, мемлекеттік білім гранты иегері Сатбаева Әйкенді марапатымен шын жүректен құттықтаймыз!
Кітап оқуды, оны талдап, талқылауды жаны сүйетін, көркемсөз оқу шебері, ана тілімен қатар орыс, ағылшын тілдерін еркін меңгерген талапты да талантты, үздік студентімізге шығармашылық мол табыс тілеп, білім мен ғылым жолында биік шыңдарды бағындырып, мақсаттарыңа жете бер дегіміз келеді.

Өзбекәлі Жәнібеков атындағы Оңтүстік Қазақстан педагогикалық университеті Оқмпу Филология Факультеті Қазақ тілі мен әдебиеті кафедрасының доцент м.а. PhD Акбілек Мынбаева Қазақстан Республикасының ғылым саласындағы ерекше еңбегі үшін "Ғылымды дамытуға сіңірген еңбегі үшін" төсбелгісімен марапатталды.

Ақбілек Пазылханқызы университеттегі KPI жүйесіндегі ғылым, білім, тәрбие жұмыстары бойынша анықталған рейтингте алғашқы ондықтан көрінген тәжірибелі ғалым-ұстаз.

Білікті де білімді маманға келешекте де биік шыңдарды бағындырып, мол жетістіктерге жете беріңіз дегіміз келеді.

Марапат құтты болсын!

   Сүйінші!

    Өзбекәлі Жәнібеков атындағы Оңтүстік Қазақстан педагогикалық университеті "Ғылыми басылымдар" бөлімінің басшысы, "Қазақ тілі мен әдебиеті" кафедрасының қауымдастырылған профессоры(доцент), PhD Нұриман Бекарыс Тілегенұлы Қазақстан Республикасы Ғылым және жоғары білім министрлігінің 2024 жылдағы Талантты жас ғалымдарға арналған "Мемлекеттік ғылыми стипендиясының" иегері атанды. 

https://ojs.egi.kz/BULLETIN/article/download/633/274

https://ojs.egi.kz/BULLETIN/article/download/632/285

https://ojs.egi.kz/BULLETIN/issue/view/48/74

    Өзбекәлі Жәнібеков атындағы Оңтүстік Қазақстан педагогикалық университеті 2024-2025 оқу жылының күзгі семестрінде академиялық ұтқырлық бағдарламасы аясында ақысыз негізінде білім алуға Өзбекстан Республикасы, Ташкент қаласы, Низами атындағы Ташкент мемлекеттік педагогикалық университетіне 6В01701-Қазақ тілі мен әдебиеті мұғалімін даярлау ББ 2 курс,1701-53 оқу тобының білім алушысы Нурматова Сарвиноз Шухратовна 1семестр оқып келді.

     Қазақ тілі мен әдебиеті кафедрасының аға оқытушысы, ф.ғ.к. Халикова Н.С. және  доцент, ф.ғ.к. Байғұтова Д.Н. 14.07.2025-12.08.2025 ж.  аралығында Туркия мемлекеті  Кастамону университетінің Қазіргі түркі диалектілері мен әдебиеттері кафедрасында өткен «Гуманитарлық ғылымдар саласындағы зерттеулерді жүргізуге арналған заманауи ғылыми тәсілдер» атты ғылыми зерттеу бағдарламасы бойынша  тағылымдамадан  өтті.

Жазушы, этнограф, баспагер Зейнолла Сәніктің шығармашылығын зерттеу, ғылыми айналымға енгізу мақсатында өткізілген республикалық ғылыми мақалалар байқауына белсенді түрде қатысып, жақсы нәтиже көрсеткені үшін 1701-39 тобының студенті Тұрар Алима марапатталды. Жетекшісі филология ғылымдарының кандидаты, аға оқытушы Халикова Н.

ҮЗДІК ЖАЙДАРМАНШЫ ТҮРКИЯҒА ЖОЛДАМА ҰТЫП АЛДЫ!

🔹 Университетте Факультетаралық «Жайдарман» сайысы өтті. Аталған сайыста 8 команда өзара бақ сынасып, көрерменге көтеріңкі көңіл-күй сыйлады. Қатысқан топтар:
1. «Иляев 16» (Тарих және педагогика факультеті)
2. «ОҚПУ сақшылары» (Дене шынықтыру және спорт факультеті)
3. «Нота ниндзялары» (Өнер және білім факультеті)
4. «16 қыз» (Филология факультеті)
5. «1+1» (Тарих және педагогика факультеті)
6. «J-Drive» (Жаратылыстану факультеті)
7. «Шаңырақ» (Дене шынықтыру және спорт факультеті)
8. «Спортукус» (Денешынықтыру және спорт факультеті

🔹 Тартысты өткен ойын нәтижесінде "16 қыз" Жайдарман тобы жеңімпаз атанып, Шымкент қаласы Жайдарман ойындарына тікелей жолдама алды!
«Үздік ойыншы» аталымы бойынша Түркияға екі адамға жолдаманы "1+1" командасы жеңіп алды.
Сонымен қатар Түркияға тағыда екі адамға жолдама берілді. Оған «16 қыз» командасының ойыншысы Садық Жаннұр лайық деп танылып, екі жолдаманың иесі атанды!

🔹 Қазылар алқасының құрамында:
«ОҚМПУ» Жайдарман тобының капитаны - Өсер Бердібеков.
2004 жылғы Қазақша КВН ойындарының чемпионы, кәсіпкер, Түркияға жолдама жүлдесінің  демеушісі -  Сейіл Ибатов.
«Байдың балалары» Жайдарман тобының ойыншысы Ұлан Мықтыбек.
«Миллион» Жайдарман тобының ойыншысы Мансар Орынхан және «Мұра» ҰШО директоры, халықаралық дәрежедегі дизайнер, Қазақстан Республикасы Дизайнерлер одағының мүшесі, Мәскеуде өткен «Этно–Эрато» байқауының «Алтын қайшы» жүлдесінің иегері Марат Ерімбетов болды.

🔹 Көңілді кешті белгілі Жайдарманшы, оқу орнымыздың Жайдарман КТК үйірмесінің жетекшісі — Тағай Нұралиев тізгіндеді. Факультетаралық Жайдарман ойындарын «Мұра» ҰШО және Жайдарман КТК үйірмесі ұйымдастырды. Шара жастардың шығармашылық әлеуетін арттырып, факультеттер арасындағы достық пен ынтымақтастықты нығайтуға бағытталды. Көңілді де мазмұнды өткен кеш көрермендерге ерекше әсер қалдырды.

https://www.instagram.com/reel/DVS1AzIDR4F/?igsh=MTcyMGNjNTNqMnNudA== 

Құттықтаймыз!!!

Өзбекәлі Жәнібеков атындағы Оңтүстік Қазақстан педагогикалық университеті Қазақ тілі мен әдебиеті кафедрасының аға оқытушысы  Пазылова Алма Советханқызы Ғылым күніне орай еліміздегі  тіл саясатын дамытуға ерекше үлес қосқаны және тілдерді дамыту саласын жетілдіруге белсенді атсалысқаны үшін "Ана тілін дамытуға қосқан үлесі үшін" төсбелгісімен марапатталды.

Алма апайды мерейлі марапатымен шын жүректен құттықтап, мықты денсаулық, шығармашылық табыс тілейміз!

Құттықтаймыз!!!

Өзбекәлі Жәнібеков атындағы Оңтүстік Қазақстан педагогикалық университеті Филология Факультеті Қазақ тілі мен әдебиеті кафедрасының ардагер ұстазы, филология ғылымдарының кандидаты, ҚР Журналистер одағының мүшесі  Нүрпейісов Нариман Жұмашұлын  "Жаңа Қазақстан" Республикалық инновациялық орталығының "Адал адам - Адал еңбек - Адал табыс" бағдарламасының атты республикалық байқауының жеңімпазы атануымен шын жүректен құттықтаймыз!
 Нариман ағайға мықты денсаулық, мол күш-қуат, шығармашылық табыс тілейміз!
Марапат құтты болсын!

Құттықтаймыз! 

Мереке қарсаңында кафедрамыздың қос оқытушысы министр тарапынан марапатталып, зор құрметке бөленді. 

Өзбекәлі Жәнібеков атындағы Оңтүстік Қазақстан педагогикалық университеті Қазақ тілі мен әдебиеті кафедрасының меңгерушісі Байгутова Динара Нышанқызы  тіл саясаты саласын дамытуға, қазақ тілінің қолдану аясын кеңейтуге елеулі үлес қосқаны үшін "Тіл жанашыры" атанып,  ҚР Ғылым және жоғары білім министрі Саясат Нұрбектің "Құрмет дипломымен" марапатталды.

Филология ғылымдарының кандидаты, ғалым ұстаз Нурила Халикова ҚР білім және ғылым саласын дамытуға елеулі үлес қоса отырып, өркендеу жолында атқарған абыройлы еңбегі мен  адал қызметі үшін ҚР Ғылым және жоғары білім министрі Саясат Нұрбектің Алғысымен марапатталды. 

Динара Нышанқызы мен Нүрила Сатыбалдықызын марапаттарымен шын жүректен құттықтап, қызметтеріне жемісті еңбек пен шығармашылық табыс тілейміз!

Құттықтаймыз! 🌹🌹🌹

Өзбекәлі Жәнібеков атындағы Оңтүстік Қазақстан педагогикалық университеті Оқмпу Филология Факультеті Қазақ тілі мен әдебиеті кафедрасының ардагер ұстазы, филология ғылымдарының кандидаты Қосай Сұлтанұлы Алтынбековті республикалық "Құрметті зейнеткер" байқауында топ жарып, қоғам дамуына қосқан айрықша еңбегі үшін "Құрметті зейнеткер" төсбелгісімен марапатталуымен шын жүректен құттықтаймыз!

Қосай Сұлтанұлы 1983 жылы қазіргі әл-Фараби атындағы Ұлттық унивеситеттің филология факультетіне оқуға түсіп, 1988 жылы осы университетті қазақ тілі мен әдебиеті мамандығы бойынша бітіріп, филолог, қазақ тілі мен әдебиетінің оқытушысы біліктілігін иеленген. Академик Зейнолла Қабдоловтың жетекшілігімен «Шыңғыс Айтматов және қазақ әдебиеті» деген тақырыпта дипломдық жұмыс жазып, үздік қорғаған. 
Осы университетті бітірісімен ҚР Білім және ғылым министрлігінің жолдамасымен Шымкент қаласындағы сол кездегі М.О.Әуезов атындағы педагогика институтының (қазіргі Ө.Жәнібеков атындағы Оңтүстік Қазақстан мемлекеттік педагогикалық университеті) қазақ әдебиеті кафедрасына қызметке жіберілді. Сол жылдан бері Қазақ тілі мен әдебиеті кафедрасында оқытушы, аға оқытушы болып қызмет етіп, жастарға білім мен тәрбие беріп, мамандар даярлауға үлесін қосып келеді. 

Алтынбеков Қосай Сұлтанұлы – 1986 жылы Чернобыль АЭС-ында болған апат зардаптарын жоюға қатысқан Чернобыль ардагері.

2010 жылы филология ғылымдарының докторы, профессор Ш.Ыбыраевтың жетекшілігімен  «Көне түркі  әдебиеті мен фольклордың арақатынасы (Орхон жазбалары бойынша)» деген тақырыпта кандидаттық диссертация қорғады. Бұл ғылыми еңбегі Ғылыми Кеңес мүшелері мен ғалымдар тарапынан жоғары бағаға ие болды.

Қ.Алтынбеков ұстаздық, тәлімгерлік қызметіндегі жетістіктер, ғылыми ізденіс еңбектері үшін «Қазақстан Республикасының білім беру ісінің құрметті қызметкері» төсбелгісімен, ҚР Білім және ғылым министрінің алғыс хаттарымен, Оңтүстік Қазақстан облысы әкімшілігі мен облыстық мәслихатының алғыс хат, құрмет грамоталарымен, бірнеше рет ОҚМПИ ректоратының,  филология факультеті деканының құрмет грамоталарымен, алғыс хаттарымен, Оңтүстік Қазақстан мемлекеттік педагогикалық институтына 80 жыл төсбелгісімен марапатталған.
Чернобыль АЭС-ында болған апат зардаптарын жоюға қатысқаны үшін БЛКЖО (ВЛКСМ) Орталық Комитетінің, Украина КП Орталық Комитетінің, Украина ЛКЖО Орталық Комитетінің, Қазақстан Республикасы Қорғаныс министрлігінің, Оңтүстік Қазақстан Қорғаныс істері жөніндегі департаментінің төсбелгілерімен, алғыс хаттарымен, ҚР «Чернобыль одағы» қоғамдық ұйымының естелік медальдарымен, төсбелгілерімен, алғыс хаттарымен марапатталған.

Ұстаздардың ұстазы, белгілі ғалым Алма Қыраубаевадай алыптың сүйікті  шәкірті болған Қосай ағайымызды марапатымен тағы да құттықтап, отбасына амандық, мықты денсаулық, мол күш қуат, шығармашылық табыс тілейміз! 🌹🌹🌹

Арман болған Болашақ – орындалған мақсат!
Америкадағы оқуым сәтті аяқталды. 🌍
Бұл сертификаттың артында талай еңбек, ізденіс пен жауапкершілік жатыр. 
Отбасыммен бірге жүк арқалап, мұхит асып Америкаға келгенімізге де 1 жыл болды. Осы жыл ішінде мамам қасымда жүрді, себебі күнде көрдім түсімде. Бұл жыл -  біз үшін өміріміздегі маңызды және қызық уақыттар. 
Болашақ бағдарламасы арқылы білім алып, тәжірибе жинау – мен үшін үлкен мектеп болды.
Осы жолда маған сенім білдіріп, қолдау көрсеткен еліме, отбасыма, және Жәнібеков университетіне алғысым шексіз. 
Білім беру саласында қаншама жаңа идеялар мен жаңашылдықтар күннен күнге туындап жатыр. Ендігі мақсат – сол білім мен тәжірибені елімнің игілігіне жарату. 🇰🇿
#Bolashak #UCDavis
#Жәнібеков_университеті#Education #Research #Kazakhstan #HigherEducation

Кафедрамыздың PhD оқытушысы, доцент м.а. Акбілек Мынбаеваны "Болашақ" бағдарламасын сәтті аяқтап, сертификат алуымен шын жүректен құттықтаймыз!!!
Мықты денсаулық, мол табыс тілейміз!

«Жастар ресурстық орталығы» КММ-нің ұйымдастыруымен 8 наурыз – Халықаралық әйелдер күніне орай өткен мерекелік іс-шарада Өзбекәлі Жәнібеков атындағы Оңтүстік Қазақстан педагогикалық университеті Филология факультетінің 3 курс студенті Берік Қарақат Маратқызы белсенділігі мен қоғам өміріне қосқан үлесі үшін Алғыс хатпен марапатталды.

Жастар саясатын жүзеге асыру жолындағы еңбегі мен бастамашылдығы үшін білдірілген бұл құрмет – алдағы үлкен белестердің бастауы.

Еңбек еленген сәт – жауапкершілікті де, шабытты да қатар арттырады.

"Алқа" әдеби бірлестігінің ұйымдастыруымен өткізілген "Өзбекәліге хат" шығармашылық жарысы мәресіне жетті.

Мемлекет және қоғам қайраткері Өзбекәліге Жәнібековтің  туғанына 95 жыл толуына орай ұйымдастырылған "Өзбекәліге хат" шығармашылық жарысында Филология факультетінің 3-курс студенті Әмзехан Бірғаным 1-орынды, 1-курс студенттері Мүсіретәлі Іңкәр мен Есіркеп Бақкелді 2-орынды, ал Сапар Талшын 3-орынды иеленді.

ӘЛЕМДІ ЖЫРМЕН ТЕРБЕТКЕН ДАЛА ҮНІ

Бүгін А.Пушкин атындағы қалалық әмбебап кітапханада 23 сәуір – Ұлттық кітап күніне орай өтіп жатқан «Руханиятқа жол – кітаптан» апталығы аясында Түркі әлеміне танымал ақын, Физули атындағы әдеби сыйлықтың лауреаты Құрал Көмекпен «Әлемді жырмен тербеткен дала ұлы» атты әдеби кездесу кеші өтті.

«Кітап – достық амбассадоры» жобасы бойынша өткен тағылымды іс-шараның басты мақсаты – жастарды ұлттық әдебиетке баулу, ел ішінен шыққан ақын-жазушылардың шығармаларын насихаттау, патриоттық рухты көтеру және шет тілдерге аударылған шығармалар арқылы қазақ поэзиясының маңызын кеңінен таныту болды.

Басқосуға Қаратау ауданы ардагерлер кеңесінің төрағасы Аманбек Ахметбаев, белгілі композитор, Қазақстан Республикасының еңбек сіңірген қызметкері Нышан Төлегенов, филология ғылымдарының кандидаты Аға Паша Курбанов, дарынды балаларға арналған №90 мектеп-гимназия директоры Арман Орынбеков, сондай-ақ, Ә.Жәнібеков атындағы Оңтүстік Қазақстан университеті, М.Әуезов атындағы Оңтүстік Қазақстан зерттеу университеті, Орталық Азия Инновациялық университетінің студенттері мен оқытушылары, қаладағы бірқатар мектептердің ұстаздары мен оқушылары қатысты.

Іс-шараның құрметті қонағы, ұлттық рухты жырларымен оқырман жүрегінен орын алған ақын Құрал Көмек туралы мазмұнды таныстырылым жасалып, оның шығармашылық жолы мен жетістіктері ерекше атап өтілді. Толығырақ shymkala.kz сайтынан оқи аласыздар.

Қазақ тілі мен әдебиеті кафедрасының аға оқытушысы, PhD Акбілек Мынбаева "Оңтүстік" телеарнасының "Таң нұры" бағдарламасында қонақта болды.

https://youtu.be/BF-BPnEK3yw?si=mbGWN_ZKtV6hr70P 

Қазақ тілі мен әдебиеті кафедрасының аға оқытушысы, PhD Акбілек Мынбаева "Отырар" телеарнасында қонақта болды.

Өзбекәлі Жәнібеков атындағы Оңтүстік Қазақстан педагогикалық университеті Қазақ тілі мен әдебиеті кафедрасының ұстаздары, филология ғылымдарының кандидаты Нариман Нурпеисов пен доцент Раушан Кажиакбарова  Президент Жолдауын талдауға қатысты телебағдарламаға қатысып, ой бөлісті.

https://youtu.be/9YR1zVnoJv4?si=5JVA3-7m2j7HoIak             https://youtu.be/vgILkpmVCTY?si=_kEv6oD-Fy8ayw9u

Құттықтаймыз!!!
Кафедра аға оқытушысы, филология ғылымдарының кандидаты Тоғатай Омар Қалтайұлын Өзбекәлі Жәнібеков атындағы Оңтүстік Қазақстан педагогикалық университеті ректорының алғыс хатымен марапатталуымен шын жүректен құттықтаймыз!

Сельджук конференциясында

2025 жылдың 12–14 желтоқсан аралығында Түркия Республикасы, Конья қаласында өткен әлеуметтік ғылымдар бойынша XIII Халықаралық Сельджук конференциясына

Ө. Жәнібеков атындағы Оңтүстік Қазақстан педагогикалық университетінің өкілдері белсене қатысты.

📚 Конференцияда Ө.Жәнібеков атындағы Оңтүстік Қазақстан педагогикалық университетінен Анкара қаласындағы Гази университетінде тағылымдамада жүрген Филология факультеті, қазақ тілі мен әдебиеті кафедрасының докторанттары Ділдәгүл Арынбаева мен Жанар Қуанбаева ғылыми баяндама жасап, өз зерттеулерін халықаралық деңгейде таныстырды.

📝 Ғылыми мақалалары конференция жинағында жарияланып,

🏅 жас ғалымдар арнайы сертификаттармен марапатталды.

✨ Жас зерттеушілерімізге ғылым жолында толағай табыс, жаңа биіктер мен жарқын жетістіктер тілейміз!

      https://www.facebook.com/share/v/1KmNyttyPb/?mibextid=wwXIfr

Өзбекәлі Жәнібеков атындағы Оңтүстік Қазақстан педагогикалық университеті Қазақ тілі мен әдебиеті кафедрасының ардагер ұстазы Нурпеисов Нариман Жұмашұлы Шымкент қаласындағы Әл-Фараби Кітапханасында  өткен сырлы Созақ, шежірелі Қаратау елінен шыққан Шәді төре Жәңгірұлы туралы кездесуге қатысып, келелі әңгімелер айтып, қойылған сауалдарға жауап берді.