*Кәсіби бағдар

16 Қаңтар 2025, 12:17

Медиа Орталық

Өзбекәлі Жәнібеков атындағы ОҚПУ жаратылыстану факультетінің деканы Айгүл Айтбаева Түркістан облысы, Жетісай қаласы мектептеріне кәсіби бағдар жұмыстарын жүргізді. Атап айтқанда №16 Ж.Сәуірбаева атындағы, №17 "Түркістан", №14 Н.Оңдасынов атындағы, №15 М.Жұмабаев атындағы, №3 Ю.Гагарин атындағы, №6 Б.Момышұлы атындағы мектеп-гимназия; №4 Абай атындағы жалпы білім беретін мектеп-гимназиясында үгіт-насихат, түсіндіру жұмыстарын ұйымдастырды.

Еліміздің оңтүстік өңірінде жаңа формациядағы педагогтарды даярлайтын жетекші оқу орны — Өзбекәлі Жәнібеков атындағы ОҚПУ тарихы, ғимараттары, зертхана мен шеберханалары, білім беру бағдарламалары, тыныс-тіршілігі мен жетістіктері туралы бейнебаянды назарға ұсынып, университет жөнінде презентация арқылы ақпараттар беріп, оқытушы-профессор құрамының сапалық құрамы, атқарылатын оқу-тәрбие жұмыстары туралы көрсетіліп, таныстырылды.

Университетпен өзара келісім-шарт негізінде меморандумға қол қойылған Б. Момышұлы атындағы №6 мектеп-гимназиясында 11- сынып оқушыларына болашақ мамандық және кәсіби бағдарын таңдауда көмектесу, мамандық әлемі және оның ерекшеліктері туралы дүниетанымын кеңейту мақсатында «Білімді жастар — Қазақстанның болашағы» тақырыбында семинар-тренинг өткізілді. Шараға 90 мектеп бітіруші қатысты (28-і алтын белгіге үміткер). Тоқсан жылға жуық тарихы бар білім ордасының ерекшеліктері жайлы әңгімелеп, заманауи жабдықталған оқу кабинеттерімен таныстырылып, университет мамандықтары туралы презентация, видео көрсетіліп, баяндалды.