ҚЫСҚЫ МЕКТЕП СЕМИНАРЫНЫҢ ПРАКТИКАЛЫҚ КЕЗЕҢДЕРІ

13 Қаңтар 2025, 12:09

Медиа Орталық

Қысқы мектеп семинарының үшінші күні білім беру саласындағы өзекті мәселелер аясында тәжірибе алмасумен жалғасты. Атап айтсақ, Академиялық департамент директоры Д.Бердалиев «Дипломдық жұмыс пен жоба: құрылымы мен мазмұндық айырмашылықтары, бағалау жолдары» тақырыбында, бұл айырмашылықтар оқу процесінің ерекшеліктері мен білім алушылардың әртүрлі дағдыларын көрсету үшін маңызды болып табылатындығы туралы нақты ой-пікірімен бөлісті.

Жасанды интеллектті (ЖИ) оқу процесінде қолдану туралы – білім беру саласы үшін өте маңызды әрі заманауи тақырып аясында информатика кафедрасының оқытушы-профессорлар құрамы өз тәжірибелерімен бөлісті. Тәжірибе алмасу білім беру жүйесіне ЖИ технологияларын енгізудің артықшылықтары, мүмкіндіктері мен шектеулері туралы пікір алмасуға, сондай-ақ педагогтер мен білім алушылардың қажеттіліктеріне сәйкес жаңа тәсілдерді қарастыруға мүмкіндік берді.

Практикалық бөлімде қарастырылған бағыттар:

1. Оқыту тиімділігін арттыру: ЖИ технологиялары арқылы оқыту дербестендірілген, икемді және қызықты бола алады. Әр білім алушының білім деңгейі мен қажеттіліктеріне бейімделген жүйелер оқу процесін жеңілдетеді.

2. Уақытты үнемдеу: Оқытушылар ЖИ көмегімен оқу материалдарын дайындауға, тестілеуді автоматтандыруға және оқушылардың үлгерімін талдауға көп уақыт үнемдейді.

3. Жаңа дағдылар қалыптастыру: Семинар барысында оқытушыларға ЖИ құралдарын қолдану арқылы цифрлық сауаттылықты арттыру жолдары үйретілсе, олар білім алушылардың болашаққа қажетті технологиялық дағдыларын дамытуға ықпал етеді.

4. Мәселелерді талқылау: ЖИ-дің білім беру саласындағы кемшіліктері де бар, мысалы, деректер құпиялылығы, қаржылық шығындар немесе технологияны дұрыс қолданбау қаупі. Семинарда бұл мәселелерді талқылау – олардың шешімін табуға жол ашты.

Нәтижесінде:

-Диплом жұмысы мен жоба арасындағы құрылымдық айырмашылық анықталды;

-ЖИ көмегімен білім алушылардың үлгерімін бағалау әдістері қарастырылды;

-ЖИ құралдарын оқыту процесінде қолданудың практикалық мысалдары көрсетілді.