"Ұлт үшін, ұрпақ үшін ғұмыр кешкен Абай және Өзбекәлі" тақырыбында кездесу өтті

17 Желтоқсан 2024, 12:00

Медиа Орталық

Өзбекәлі Жәнібеков атындағы Оңтүстік Қазақстан педагогикалық университетінде "Ұлт үшін, ұрпақ үшін ғұмыр кешкен Абай және Өзбекәлі" тақырыбында кездесу өтті. Шараны тарих және педагогика факультеті, "Әлем тарихы және дінтану" кафедрасының аға оқытушысы, т.ғ.к А.Әбдіханова және студенттер ұйымдастырды.
Кездесу қонағы — "Қазақстан жазушылар одағының" мүшесі, ақын, аудармашы Абай Қалшабек. Тағылымды тәрбие сабағында хәкім Абай Құнанбайұлының өшпес мұралары мен ұлт жанашыры Өзбекәлі Жәнібековтің өнегелі өмір жолы туралы айтылып, білім мен тәрбиенің маңыздылығын, ұлтқа қызмет етудің, өмірде дұрыс бағыт таңдаудың құндылығын түсіндіріп, өз тәжірибесімен бөлісті. Абай Батырұлының шынайы әңгімелері мен кеңестері студенттерге ерекше әсер қалдырды.