Алдағы оқу жылына Zhanibekov University-не 230 грант бөлініп отыр. Әлеуметтік жеңілдіктер мен  қандастарға жасалатын  қамқорлық, ректор гранты да талапкерлерге зор мүмкіндік. Бұл болашақта педагог болғысы келетін  түлектерді қанаттандырады. 

Шымкент қалалық білім басқармасымен бірлесіп  ұйымдастырылып жатқан  «EduCampShym» оқу лагеріне келушілер бүгін университеттің филология факультетімен танысты. Кезекті таныстырылымды Басқарма төрағасы-ректор міндетін атқарушы Гүлжан Сүгірбаева  алғысөзбен ашып берді.  Студент Даниал Болысбек арнау айтып, оқу ордасының мақтаныштары мен жетістіктерін жырға қосты. 

Факультеттің қазақ тілі мен әдебиеті кафедрасы, орыс тілі мен әдебиеті кафедрасы, аударма ісі және шетел тілдері кафедрасының студенттері аталған мамандықтар туралы толыққанды мағлұмат берді.  Оқушылар арасында ағылшын және түрік тілінде көңілді ойындар  ойнатылды. Әдеби клуб мүшелерімен  үш тілде дебат болды. Кәсіби бағытта ұйымдастырылған лагерьде оқушылар болашағын Zhanibekov University-мен байланыстырғылары келетінін айтты.