Өзбекәлі Жәнібеков атындағы ОҚПУ Стратегиялық даму және әлеуметтік істер жөніндегі проректор Баршагүл Исабек студенттерге дәріс оқыды.
Ашық дәрісте Баршагүл Қашқынқызы болашақ тарихшыларға өздері таңдаған мамандық туралы өмірлік тәжірибесімен бөлісті. Қапира Сәдуақасова, Хангелді Әбжанов, Сағынғали Әубәкіров сияқты ұстаздардың ұлағатын жастарға ұғындырды.
Мамандықтың мәнін қаншама білікті шәкірт тәрбиелеуден тапқан Баршагүл Исабек әр адам өзі сүйіп атқаратын жұмысымен қандай жетістікке жетуге болатынын да айтты. Мысалы ол тарихшы мамандығы арқылы еңбек жолында сатылап жоғарылап, бірнеше елдерді қызметтік сапармен аралады. Әлемнің жеті кереметі саналатын таңғажайып мекендер мен Жапония, Германия, тағы басқа дамыған елдердің археологиялық музейлері мен аэроғарыштарында болған. Бұл болашақ тарих пәнінің мұғалімі атанатын студенттерге зор мотивация болды. Студенттер дәріс соңында түрлі сұрақтар қойып, өнер көрсетті.