«КІТАПХАНАҒА КІТАП СЫЙЛА» - челленджі

4 Қазан 2024, 17:11

Медиа Орталық

Өзбекәлі Жәнібеков атындағы ОҚПУ жанынан жақында Әбсаттар Дербісәлі атындағы ғылыми кітапхана ашылған еді. Университеттің жаратылыстану факультетінің деканы Айгүл Айтбаева осыған орай кітапханаға өзінің жеке қорынан 270 кітап сыйға тартты.
— Білімді жастарымыз көп болсын деген ниетпен үйде жиналған кітаптарды сыйға тартуды жөн көрдім. Үйде оны үш-төрт адам оқыса, университетте жүздеген білім алушы оқуына мүмкіндік бар. Көптің кәдесіне жарап жатса ризамын, - дейді Айгүл Ергенқызы.
Осыған орай университет басшылығы «Кітапханаға кітап сыйла» челленджін жолдайды. Игі іске барлық оқырман, оқытушы-педагог құрам мен білім алушылар, жалпы кітапсүйер қауым қатысуына болады.