Оқу ордасы білім күнін атап өтті

18 Қыркүйек 2024, 11:39

Zhanibekov university

Биыл Өзбекәлі Жәнібеков атындағы Оңтүстік Қазақстан педагогикалық университеті Білім күніне арналған салтанатты жиынды қаладағы «Түркістан» сарайында өткізді.

Биыл алтын ұямыз жаңа оқу жылын 8063 білімгермен бастағалы отыр. 2024-2025 оқу жылына барлығы 2201 білім алушы қабылданды. Оның ішінде – 1015-і мемлекеттік білім гранты болса, 129-ы – Шымкент қаласы әкімдігінің грантының иегері, 83 Алтын Белгі, 193 Үздік аттестат, 10 Қазақстан Респуликасының спорт шебері, 1 Халықаралық, 13 республикалық олимпиада жеңімпаздары және 30 IELTS сертификаттарын иеленген оқу озаттары таңдау жасады.

Салтанатты кешке Шымкент қаласы әкімінің орынбасары Сәрсен Құранбек қатысып, құттықтау сөз сөйледі. Оқу орнымызда ерен еңбек етіп жүрген ұстаздар мен ардагерлер марапатталды. Қонақтар арнайы концерттік бағдарламаны тамашалап, жаңа оқу жылына көтеріңкі көңіл-күймен қадам басты.