Қазақ ұлттық қыздар педагогикалық университетінде, Әлеуметтік-гуманитарлық ғылымдар және өнер институтының Хореография және арт-менеджмент кафедрасы ұйымдастыруымен

«БІЛІМДІ ҚЫЗДАР – ҰЛТТЫҢ ҰЙЫТҚЫСЫ» атты Халықаралық студенттік ақындар айтысы өтті.

Бұл дүбірлі додаға еліміздің түкпір-түкпірінен келген жас дарындар – суырыпсалма өнердің саңлақтары қатысып, сөз маржанын теріп, жыр додасында бақ сынады.

Айтыс барысында ақындар тек өнер жарысына түсіп қана қоймай, ұлттың болмысы, қыз тәрбиесі, білімнің мәні мен қоғамдағы әйелдің орны жайлы өзекті ойларын өрнекті сөзбен жеткізе білді.

Қазылар алқасының құрамында айтыс өнерінің майталмандары мен профессорлық-оқытушылық құрам өкілдері болды.

Тартысты сөз додасында Өзбекәлі Жәнібеков атындағы ОҚПУ филология факультетінің білім алушысы, жас айтыскер ақын Даниал Болысбек жүлделі I орынды жеңіп алды.

Жеңімпазды университет Басқарма төрағасы-ректор міндетін атқарушы Гүлжан Сүгірбаева қабылдап құттықтады. Оқу орнының ұлттық өнерге қолдауы, жергілікті жас айтыскерлерге тұрақты қамқорлығы туралы айтты. Бұл жеңіс — ел рухын көтерген жыр додасының, ұлттық өнерге деген сүйіспеншілік пен рухани сабақтастықтың жарқын көрінісі.