ОҚПУ ресми өкілдері бүгін ғылым мен инновацияны өндіріспен ұштастыратын және инновациялық инфрақұрылымның негізі нысаны-технопарктар жұмысымен танысты.

Гази университетінің проректоры, профессор Серхат Кареиен және Технопарк директоры Элиф Башак Тексин алдымен Гази университетінің технопаркін, құрылымдық ерекшеліктері мен мемлекеттік қолдау тетіктерін, R&D компаниялармен әрекеттесуі, бизнес инкубатор, акселерация бағдарламалар туралы егжей-тегжейлі ақпарат берді. Өзбекәлі Жәнібеков атындағы ОҚПУ Басқарма төрағасы-ректор міндетін атқарушы, доц. Әлібек Нұртаев, проректорлар Баршагүл Исабек пен Ержан Керімбеков Гази технопаркіндегі және Түркиядағы ең жылдам дамушы 500 фирма қатарындағы бірнеше компанияның өнімдерімен танысты.

Айта кетелік, Гази Технопаркі 2007 жылы құрылған, 170 r&d компаниясы, 1200 ден аса зерттеуші қызметкері бар Түркиядағы жетекші 93 технопарктің бірі.