Өзбекәлі Жәнібеков атындағы ОҚПУ Басқарма төрағасы- ректор міндетін атқарушы Әлібек Нұртаев докторантураның 2025–2026 оқу жылының қысқы қабылдау комиссиясының төрағалары және мүшелерімен кездесті.

Кездесу барысында докторантураға қабылдау талаптары мен ережелері кеңінен талқыланды. Сондай-ақ докторанттарды даярлау үдерісінде туындайтын мәселелер, ғылыми зерттеу сапасын арттыру және академиялық қолдау бағыттары сөз болды.

Басқосуда жас ғалымдарға халықаралық жоғары рейтингті ғылыми журналдарда мақала жариялау бойынша қосымша әдістемелік және академиялық кеңес беру тетіктері қарастырылды. Университеттің халықаралық деңгейде тәжірибесі бар ғалымдары Ғылыми зерттеу әдістемесі мен Академиялық хат пәні бойынша сабақтарды сапалы өткізіп, докторанттардың ғылыми әлеуетін арттыруға айрықша үлес қосып келеді.

Ректор өз сөзінде университеттің ғылыми әлеуетін көтеру мақсатында ғалымдарға барынша қолдау көрсетілетінін, сондай-ақ материалдық-техникалық базаны жақсарту бағытында жүйелі жұмыстар жүргізіліп жатқанын айтты. Сонымен қатар, университет ғалымдары ғылым саласындағы өзекті мәселелер мен зерттеу бағыттары бойынша пікір алмасты.

Айта кетейік, қазіргі таңда университетте докторантураның 12 білім беру бағдарламасы бойынша 108 докторант білім алуда.