СТУДЕНТТЕР ЕҢБЕК НАРЫҒЫНДАҒЫ СҰРАНЫСПЕН ТАНЫСТЫ

19 Қараша 2025, 11:01

Медиа Орталық

Өзбекәлі Жәнібеков атындағы ОҚПУ студенттері Шымкент қаласындағы «Көрме» орталығында өткен «Еңбек – өмірдің тұтқасы» атты бос жұмыс орындарының жәрмеңкесіне қатысты.

Шымкент қаласының ішкі саясат және жастар істері жөніндегі басқармасы ұйымдастырған шараға қала әкімі Ғабит Сыздықбеков қатысып, жастармен ашық пікір алмасты. Жәрмеңкеге оқу орнымыздың 4 курс білім алушылары қатысып, түрлі мекемелердің өкілдерімен кездесіп, сұхбаттасты. Олардан бос жұмыс орындары мен тәжірибе мүмкіндіктері туралы құнды ақпарат алды.

Университеттің белсенді студенттері жәрмеңкеде БАҚ өкілдеріне сұхбат беріп, аталмыш шараның жұмыс берушілермен тікелей байланыс жасауға, тәжірибе жинау мен кәсіби дағдыларды дамытуға, стажировка немесе алғашқы жұмыс тауып, еңбек нарығындағы сұранысты түсінуге пайдасы мол екендігін айтты.