«ҚҰРМЕТ» ОРДЕНІМЕН МАРАПАТТАЛУЫМЕН ҚҰТТЫҚТАДЫ

10 Наурыз 2026, 13:14

Медиа Орталық

Өзбекәлі Жәнібеков атындағы ОҚПУ Басқарма төрағасы – ректордың міндетін атқарушы Әлібек Нұртаев тарих ғылымдарының кандидаты, доцент Гүлжан Сүгірбаеваны жоғары мемлекеттік награда – «Құрмет» орденімен марапатталуымен құттықтады.

Әлібек Нұрбайұлы ғалымның ғылым мен білім саласына қосқан үлесін, отандық тарих ғылымын дамытудағы еңбегі мен жас ұрпаққа сапалы білім, тәрбие берудегі қызметін атап өтті. Сонымен қатар, университет ұжымы үшін бұл марапат үлкен мақтаныш екенін жеткізді. Өз кезегінде Гүлжан Дәулетбекқызы көрсетілген құрмет пен қолдау үшін университет басшылығына алғыс білдіріп, алдағы уақытта да білім мен ғылым жолында аянбай еңбек ететінін айтты.

Айта кетейік, «Құрмет» ордені – еліміздің әлеуметтік-экономикалық, ғылыми-мәдени дамуына елеулі үлес қосқан азаматтарға берілетін жоғары мемлекеттік наградалардың бірі.

Фото Бағдат Сейдахметов