ПОЛЬША РЕСПУБЛИКАСЫ ЕЛШІЛІГІНІҢ РЕСМИ ӨКІЛІ СТУДЕНТТЕРГЕ ҚАЗАҚ ТІЛІНДЕ ДӘРІС ОҚЫДЫ

11 Сәуір 2025, 13:25

Медиа Орталық

Польша Республикасының Қазақстан Республикасындағы Елшілігінің Уақытша сенімді өкілі Михал Лабенда Өзбекәлі Жәнібеков атындағы ОҚПУ-ға ресми сапармен келді.

Сапар аясында елші университет басшылығымен кездесу өткізіп, жоғары білім мен ғылым салаларындағы екі ел арасындағы ынтымақтастықты кеңейту мәселелерін талқылады. Сонымен қатар, құрметті қонақ студенттермен еркін форматтағы кездесу өткізіп, халықаралық қатынастар, дипломатия және мәдениетаралық диалог тақырыптарында дәріс оқыды.

Михал Лабенда - кәсіби дипломат, шығыстанушы, бірнеше тілді, оның ішінде қазақ тілін жетік меңгерген маман. Ол Қазақстан мен Польша арасындағы мәдени және білім беру саласындағы байланысты нығайтуға сүбелі үлес қосқан тұлға.

Аталған шараның мақсаты университеттің халықаралық байланыстарын нығайтуға ықпал етіп, студенттердің кәсіби және тұлғалық дамуына серпін беруге арналды.