«Жәнібеков ізбасарлары» атты кездесу кеші өтті

26 Ақпан 2025, 19:11

Медиа Орталық

Өзбекәлі Жәнібеков атындағы ОҚПУ-да қоғам және мемлекет қайраткері Өзбекәлі Жәнібековті еске алуға арналған «Жәнібеков ізбасарлары» атты кездесу кеші өтті.

Қатысушылар назарына алдымен рух сардарының ұлттық құндылықтар туралы ойларына негізделген «Ойтолғақ» деректі фильмі көрсетілді. Өзбекәлі Жәнібековтің шәкірті, ардагер ұстаз, «Тау тұлға» кітабының авторы Арысбек Тәжіұлы мен қарындасы, ардагер ұстаз Айғаным Серім естеліктерін жаңғыртты. Ұлт жанашырының рухани мұрасын оқу-тәрбие жұмыстарында қолдану бойынша студенттер пікір білдірді.

Кездесуді Басқарма мүшесі-Стратегиялық даму және әлеуметтік істер жөніндегі проректор Баршагүл Исабек жүргізіп отырды. Арысбек Тәжіұлы әсерлі шараны ұйымдастырушы, университеттегі Өзбекәлі Жәнібеков орталығының басшысы Эльмира Оразбаеваға таутұлғаға қатысты жинақтап жүрген мұраларын табыстап, ұжымға бірнеше кітапты тарту етті.