ЖӘНІБЕКОВ ЖАСТАРЫ — СТУДЕНТТІК ЛАГЕРЬДЕ

24 Ақпан 2025, 19:14

Медиа Орталық

Өзбекәлі Жәнібеков атындағы ОҚПУ белсенді және үздік жастары үшін LeaderFest — 2025 студенттік лагері ұйымдастырылды.

Түркістан облысы, Төлеби ауданының «Балдәурен» оқу-сауықтыру лагерьінде өткен шарада жастар бір-бірімен жақынырақ танысып, түрлі қызықты және интеллектуалды ойындар ойнады. Табиғат аясына серуендеп, ән шырқады.

Студенттер «Таза Қазақстан» экожобасына да атсалысып, лагерь аумағында қар күреп, жол тазалады. Ал,екінші күні Басқарма мүшесі-Интернационалдандыру және халықаралық байланыстар жөніндегі проректор Нұрдәулет Хангелдімен кездесу ұйымдастырылды. ASAA жастар қоғамдық бірлестігінің жетекшісі Данара Саранова еріктілік пен көшбасшылық тақырыбында семинар-тренинг өткізді. Қатысушылар университет Басқарма төрағасы-ректор міндетін атқарушы Гүлжан Сүгірбаеваның сертификатымен марапатталды.