ЖАСТАРДЫ МЕМЛЕКЕТТІК ҚОЛДАУ: «ЖАСТАР ПРАКТИКАСЫ», «ОТБАСЫ БАНК» МҮМКІНДІКТЕРІ ҚАНДАЙ?

20 Ақпан 2025, 15:10

Медиа Орталық

Өзбекәлі Жәнібеков атындағы Оңтүстік Қазақстан педагогикалық университетінде бітіруші түлектерге арналған арнайы ақпараттық-танымдық іс-шара өтті. Шымкент қаласының Ішкі саясат және жастар істері жөніндегі басқармасының қатысуымен "Жұмысшы мамандықтар жылы" аясында ұйымдастырылды.

Іс-шара барысында түлектерге еңбек нарығындағы сұранысқа ие мамандықтар, жастарды жұмыспен қамту мүмкіндіктері және кәсіби бағдар беру мәселелері жөнінде маңызды ақпараттар берілді. Сондай-ақ, мемлекеттік бағдарламалар мен жұмысқа орналасуға қатысты қолдау тетіктері таныстырылды.

Іс-шараға қатысқан спикерлер:

- Шымкент қаласы, Тұран ауданы, Еңбек ресурстарын болжау және жұмыспен қамту орталығының бөлім басшысы Бекзат Бише Дауылбайұлы

- «Отбасы банк» АҚ лидер кеңесшісі Өскенбаева Жанар Мақсұтқызы

- Жастар ресурстық оралығының маманы Құдайберген Гүлбибі Камалбекқызы

"Отбасы банк" АҚ түлектер үшін қандай мүмкіндіктер ұсынады?

- Жас мамандарға арналған бос жұмыс орындары – банк саласында мансабын бастауға ниетті жастар үшін үлкен мүмкіндік.

- Артықшылықтар: тұрақты жұмыс орны, кәсіби даму, білікті мамандардан тәжірибе алу және мансаптық өсу мүмкіндігі.

Жастар практикасы – жас түлектерге таптырмас мүмкіндік!

- Бұл бағдарлама жоғары немесе орта арнаулы оқу орындарын бітірген, бірақ еңбек өтілі жоқ жастарға алғашқы жұмыс тәжірибесін алуға көмектеседі.

- Жастар практикасына оқу аяқталғаннан кейін 5 жыл ішінде 35 жастан аспаған жұмыссыз ретінде тіркелгендер жіберіледі.

- Жастар практикасының ұзақтығы 12 айдан аспайды, айына жалақы мөлшері кемінде 30 айлық есептік көрсеткішті (АЕК) құрайды.

- Жолдама алу үшін тұрғылықты жері бойынша мансап орталығына жүгіну қажет.