Үкімет тарапында лидер Амангелдіқызы Ақниет және спикер Қали Әлия өз ой-пікірлерін дәйекті әрі құнды жеткізе білді. Қазіргі уақытта өзекті болып жатқан тақырыптардың бірі - «Инклюзивті білім берудің сапалы тұстары» жайлы біршама тың ақпараттармен бөлісті. Екі жақтың да көзқарастары аудиторияға үлкен ой салып, берілген тақырыпты тереңінен ашуға үлкен мүмкіндік берді. Нақты әрі дәлелді құндылық кейстерінің құрылымы бойынша,екі жақ бір-біріне тақырып өзектілігі бойынша біршама сұрақтар қоя білді. Нәтижесінде, дебат түрлі идеялар мен ұсынылған мәселенің шешімдерін оңды түрде шешуге жол ашты.

Ең маңыздысы, пікірталасқа қатысқан әрбір ізденуші ой-өрісінің кеңдігі мен сөйлеу шеберлігі, керемет ізденіс қабілеті, ұйымдастырушылық қасиеттерін танытты. Қорытындылай келе, «Инклюзивті білім беру барлық балаларға бірдей сапалы білім береді ме?» атты пікірсайысы қызықты әрі тартысты өткендіктен, оппозиция және үкімет тараптары да оңды түрде бағаланды.