ЖАРТЫ ҒАСЫР ҒҰМЫРЫН ОҚПУ-ҒА АРНАҒАН
Қар. 3, 2024, 4:38 Т.Қ.
Медиа Орталық
Физика-математика ғылымдарының кандидаты, доцент Құрбанқожа Әбдірахманов мерейлі 75 жасқа толып отыр.
Құрбанқожа Әбдірахманов 1949 жылы 13 қазанда бұрынғы ОҚО, Сарыағаш ауданының Полторацкое елді мекенінде дүниеге келген. 1968 жылы Сарыағаш ауданындағы М.Горький атындағы №5 орта мектепті бітірген.
1975 жылы Ташкент Мемлекеттік университетін математика мамандығы бойынша бітіріп, жолдамамен, Шымкент педагогикалық институтының «Жоғары математика» кафедрасына оқытушы қызметіне қабылданды. 1975-1993 жылдар аралығында осы институтта оқытушы, аға оқытушы қызметтерін атқарды.
1993 жылдан Қ.А.Ясауи атындағы Халықаралық Қазақ-түрік университетінің Шымкент институтында деканның орынбасары, 1995 жылдан 2011 жылға дейін «Жоғары математика» кафедрасының меңгерушісі және магистратура бөлімінің меңгерушісі қызметтерін атқарды. 2011 жылғы қыркүйектен Оңтүстік Қазақстан мемлекеттік педагогикалық институтының «Математика, физика және кәсіптік оқыту» факультеттінің деканы қызметін атқарды.
1990 жылы Өзбекстан Ғылыми Академиясының механика және ҚСТ институтында физика-математика ғылымдарының кандидаты ғылыми дәрежесіне кандидаттық диссертация қорғап, 1995 жылы доцент ғылыми атағына ие болды.
Білікті ұстаз 40-тан астам ғылыми мақала, 15 оқу-әдістемелік құралдарының авторы, 4 магистрантқа ғылыми жетекшілік жасап, магистрлік диссертация қорғатқан.
Қ.Абдрахманов жоғары білікті педагог кадрларды даярлаудағы, жас ұрпақты тәрбиелеудегі көп жылдық еңбегі үшін ҚР Білім және ғылым министрлігінің Алғыс хатымен және институт пен университет ректораты тарапынан алғыс хаттармен, мақтау грамоталарымен марапатталған. “Ерең еңбегі үшін”, “Облысқа сіңірген еңбегі үшін” ,“ОҚМПУ-нің 80 жылдығына” арналған төсбелгілерімен марапатталған.
1978 -2018 жылдар аралығында оқушылардың облыстық математикалық олимпиадалары және ғылыми жобалар конкурстарының қазылар алқасының мүшесі және төрағасы болды.
2008-2017 жылдар аралығында облысымызда “Новосибирск математикалық олимпиадасын” ұйымдастырып, өткізіп, 200-ден аса облысымыздың математикалық дарыны бар оқушыларын Новосибирск университетінің “физика-математикалық мектебінің” жазғы лагерьлеріне қатыстырып, жүлделі орындар еншілеген.
Ол тәрбиелеген мыңдаған шәкірттер облыс, қаланың және республикамыздың түкпір-түкпірінде жемісті еңбек етуде. Олардың арасында белгілі қоғам қайраткерлері, ғылым докторлары, ғылым кандидаттары еліміздің дамуына өз үлестерін қосуда. Отбасылы, 2 ұл және 2 қыз, 13 немере, 3 шөбере тәрбиелеп өсіруде.
Бүгін жарты ғасыр ғұмырын ОҚПУ-ға арнаған құрметті ұстазды университет Басқарма төрағасы-ректор міндетін атқарушы Гүлжан Сүгірбаева құттықтады. Әріптестері мерейлі жас иесіне еңбекте табыс пен зор денсаулық тілейді.
Осыған ұқсас
АЛТЫ АЙДА ПЕДАГОГ БОЛУҒА МҮМКІНДІК БАР
Қар. 12, 2024, 4:54 Т.Қ.
ШЕТЕЛДІК ҒАЛЫМДАР УНИВЕРСИТЕТ ТЫНЫСЫМЕН ТАНЫСТЫ
Қар. 11, 2024, 4:53 Т.Қ.
ЗЕЙНЕТКЕРЛЕР ДЕ УНИВЕРСИТЕТТЕ ОҚИ АЛАДЫ
Қар. 11, 2024, 4:50 Т.Қ.
ЖЕҢІС ТҰҒЫРЫ ТӨМЕНДЕМЕЙДІ
Қар. 11, 2024, түсқайта