Интернационалдандыру және халықаралық байланыстар жөніндегі проректоры болып Хангелді Нұрдәулет Ескелдіұлы тағайындалды

8 Қаңтар 2025, 18:39

Медиа Орталық

Өзбекәлі Жәнібеков атындағы ОҚПУ Басқарма мүшесі — Интернационалдандыру және халықаралық байланыстар жөніндегі проректоры болып Хангелді Нұрдәулет Ескелдіұлы тағайындалды. Жаңа проректорды бүгін университет Басқарма төрағасы-ректор міндетін атқарушы Гүлжан Сүгірбаева ұжымға таныстырды.

Нұрдәулет Ескелдіұлы Түркістан облысында дүниеге келген. Л.Н. Гумилев атындағы Еуразия ұлттық университетін бітірген. Мамандығы — тарихшы, заң ғылымдарының магистрі.

Қазақстан Республикасы Білім және ғылым министрлігі, Оқу-ағарту министрлігі, ҚР Парламенті Мәжілісінде жауапты қызметтерді атқарған. Сонымен қатар, Ы.Алтынсарин атындағы Арқалық педагогикалық институтының ғылыми қызметкері болған.

Тағайындауға дейін «Тұран-Астана» университетінің Халықаралық бағдарламалар және жобалар жөніндегі проректоры қызметін атқарған.