Өзбекәлі Жәнібеков атындағы ОҚПУ жас ғалымдары Алматы қаласында өткен “Жас Сәтбаевшылар” І Қазақстан жас ғалымдарының конгресіне қатысты.

Конгресс аясында гранттық қаржыландыру шеңберінде аяқталған жас ғалымдардың заманауи инновациялық әзірлемелерінің көрмесі және кітап көрмесі болды. Ал екінші күні Абай атындағы Қазақ ұлттық университетіндегі “Қоғамдық -гуманитарлық және өнер” ғылым саласындағы “Елдің зияткерлік әлеуеті” басым бағыты бойынша секциялық отырыс өтті.

Отырыста “Ерте кәсіптік бағдар беру Қазақстан Республикасындағы жоғары білімнің қолжетімділігін арттыру механизмі ретінде” тақырыбында Басқарма мүшесі-академиялық мәселелер жөніндегі проректор Айнаш Құдышева жоба нәтижесі негізінде баяндама жасады. Жалпы конгреске университеттің жас ғалымдары А. Құдышева, Б.Нұриман, Б. Уәлиханова, М. Дүйсенова және Э.Ахметова қатысты.