Өзбекәлі Жәнібеков атындағы Оңтүстік Қазақстан педагогикалық университетінің Басқарма төрағасы-ректор міндетін атқарушы Гүлжан Сүгірбаева шетелдік ғалымдарды қабылдады.
Гази университетінің (Түркия) профессоры Хусейн Аккуш химияны оқыту әдістемесі бойынша химия кафедрасы білімгерлеріне дәріс оқиды. Ал, Малайзияның Путра университетінің профессоры Разали Бин Иаакоб информатика кафедрасына ақпараттық технология, компьютерлік инженерия бойынша сауаттылықты арттырады.
Қабылдауда шетелдік ғалымдар Жәнібеков университетінің көп тіл меңгеруге деген талпыныстарына таңданыс білдірді. Ал, шетелдік оқытушылардың тәжірибесін пайдалану өздерінің отандық тәжірибелерінде бар үрдіс екендіктерін, сондай-ақ, университет жанынан шығатын «Ілім» ғылыми журналын оқитынын айтты. Өз кезегінде Гүлжан Дәулетбекқызы халықаралық зерттеушілерге университетпен ортақ зерттеулерді жүзеге асыру туралы ұсынысын жеткізді.