Өзбекәлі Жәнібеков атындағы Оңтүстік Қазақстан педагогикалық университетінің жастары «Әз-ұя» қоғамдық бірлестігінің директоры Алтынбек Боранбекпен кездесті.
Кездесу қонағы болашақ ұстаздарға кәсіби қабілет, оны жаһандық талаптармен ұштастыру тетіктері жайлы ой қозғады. Оқу бағдарламасынан бөлек, нағыз педагогикалық жаңашыл көзқарастар жүйесін жіктеп түсіндірді.
Педагог-психолог маманның өзгерістің өзегі қабілетті мұғалім екенін қатысушы әрбір жас жете сезінді. Ішкі тіректі қуаттандыру, рухани азық, мәдени көзқарастар тоғысы мен шәкіртке сенім арту үдерісін қалыптастыру туралы ойлары жастарды баурады.
Кездесу соңы сұрақ-жауапқа ұласты. Танымды шараны «Талант» апгрейд орталығы ұйымдастырды.