Ұлыбританиядағы ғылыми тағылымдама: ғылым мен білімнің жаңа көкжиектері!

4 Желтоқсан 2024, 12:00

Медиа Орталық

Біздің қызметкер, Жоғары оқу орнынан кейінгі білім беру институты директоры, Химия кафедрасының доценті Аққоңыр Нұрділләқызы Жылысбаева «Болашақ» халықаралық стипендиясының «500 ғалым» бағдарламасы аясында әлемнің жетекші университеттерінің бірі – Ньюкасл университетінде (Newcastle University) ғылыми тағылымдамадан өтуде.

Ньюкасл университеті әлемдік рейтингте жоғары орындарда:

QS World University Rankings 2025 рейтингінде 129-шы (2024 жылы жарияланған)

Times Higher Education World University Rankings рейтингінде 168-орында.

Ғылыми тағылымдама білім беру саласындағы зерттеулер бағыты бойынша өтуде. Аққоңыр Нұрділләқызы Ұлыбритания университетінде инновациялық тәсілдерді әзірлеуге және енгізуге белсенді қатысуда, оның ішінде:

Химияда жаңа тәжірибелік әдістемелерді жасау.

Оқушылардың практикалық дағдыларын дамыту үшін онлайн бағалау жүйесін құру.

Химия оқыту курстарына «Жасыл химия» қағидаларын интеграциялау.

Ғылыми тағылымдама жетекшісі Ньюкасл университетінің Химия бағыты директоры Andrew Pike және қосымша жетекшілікке Химия мектебінің жетекші төрт оқытушысы қамтылған, бұл тәжірибе мен білім алмасуға бірегей мүмкіндік береді.

Бұл тағылымдама халықаралық ғылыми ынтымақтастықты нығайтуға маңызды үлес қосып, Қазақстандағы білім беру мен ғылым жүйесін жетілдіруге серпін беріп, озық әдістерді енгізуге жаңа мүмкіндіктер ашады. Еліміздің ғалымдарына жасалып отырған осындай мүмкіндіктер нәтижелері оң өзгерістер мен дамудың негізі болатынына сенеміз.