Шетелде кадрлар даярлау жөніндегі Республикалық комиссия шешімі: 2024 жылғы тағылымдама нәтижелері
Жел. 26, 2024, 4:59 Т.Қ.
Медиа Орталық
Шетелде кадрлар даярлау жөніндегі Республикалық комиссия шешімі: 2024 жылғы тағылымдама нәтижелері
2024 жылғы 23 желтоқсанда өткен Шетелде кадрлар даярлау жөніндегі Республикалық комиссия отырысының қорытындысы бойынша «500 Ғалым» ғылыми тағылымдамасы тағайындалған үміткерлердің тізімі жарияланды.
Стипендия иегерлері атанған ғалымдарымыз:
• Баймаханова Гүлжан Мусабекқызы – Химия кафедрасының доценті, химия ғылымдарының кандидаты, М.В. Ломоносов атындағы Мәскеу мемлекеттік университетінде «Химияны оқытудағы виртуалды және толықтырылған шындық технологияларын қолданудың негізгі теориялық және практикалық аспектілері» тақырыбы бойынша;
• Жамалова Камшат Әбдіқайымқызы - Информатика кафедрасының аға оқытушысы, техника ғылымдарының кандидаты, АҚШ-тағы Иллинойс университетінде (University of Illinois) «Деректер туралы ғылым және машиналық оқыту» тақырыбы бойынша;
• Қанаева Ләззат Сапарбекқызы – Аударма ісі және шетел тілдері кафедрасының аға оқытушысы, АҚШ-тағы Мичиган мемлекеттік университетінде (Michigan State University) «Жоғары білім саласындағы ғылыми зерттеулер мен практика» тақырыбы бойынша ғылыми тағылымдамадан өтетін болады.
Стипендия иегерлерін шын жүректен құттықтаймыз! Еліміздің ғылыми әлеуетін нығайтуда әрбір ғалымның жетістігі ерекше құндылыққа ие. Ғалымдарымыздың шетелдік тағылымдама арқылы алған тәжірибелері кәсіби құзыреттіліктерін арттырып, олардың болашақ мамандарға сапалы білім беруіне ықпал етеді деп сенеміз.
Осыған ұқсас
Мектепке дейінгі балалардың дамуын қолдау тақырыбында шеберлік сыныбы өтті
Қаң. 20, 2025, 12:28 Т.Қ.
«ДЕНСАУЛЫҚ» СПАРТАКИАДАСЫ: БАС ЖҮЛДЕ БАЛАЛАР ҮЙІНЕ БЕРІЛЕДІ
Қаң. 17, 2025, 12:23 Т.Қ.
«Дәулет» жабық спорт кешені пайдалануға берілді
Қаң. 17, 2025, 12:21 Т.Қ.
ОҚЫТУШЫ-ПРОФЕССОРЛАР ҚҰРАМЫМЕН КЕЗДЕСТІ
Қаң. 17, 2025, 12:20 Т.Қ.