Өзбекәлі Жәнібеков атындағы Оңтүстік Қазақстан педагогикалық университетінде «Денсаулық» спартакиадасы басталды. Спартакиадаға университет профессор-оқытушылар құрамы мен қызметкерлерінен құралған 9 команда қатысуда. Жарыстың ашылу салтанатына Басқарма төрағасы-ректор міндетін атқарушы Гүлжан Сүгірбаева қатысып, сәттілік тіледі. Салауатты өмір салтын қалыптастырып, ұжым арасындағы ынтымақты нығайтуға арналған сайыста қатысушылар спорттың 6 түрінен күш сынаспақ. Сайыстың алғашқы күні арқан тартыстан басталып, қызықты ойынға жалғасты. Жарыс 17-қаңтарда қорытындыланады.