ЕРЕКШЕ БІЛІМ БЕРУ ҚАЖЕТТІЛІКТЕРІ БАР БАЛАЛАРДЫ ОҚЫТУ САЛАСЫ ТАЛҚЫЛАНДЫ
Қаң. 10, 2025, 12:06 Т.Қ.
Медиа Орталық
Қысқы мектеп семинарының екінші күні «Болашақ» бағдарламасы аясында Варшава қаласы, Польша елінде инклюзивті білім беру бойынша тағылымдамадан өткен оқытушылар С.Тұрмаханова, Г.Ахметова, А.Аширбаева, А.Шатаевалардың тәжірибе алмасуы ерекше білім беру қажеттіліктері бар балаларды оқыту саласын жақсартуға үлкен үлес қосады. Мұндай тағылымдамалар инклюзия тәжірибесін дамытудың, оқыту әдістемелерін жетілдірудің және халықаралық тәжірибені қолданудың тиімді құралы болып табылады.
1.Оқыту әдістемелерін жетілдіру: Польшада инклюзивті білім беру саласында қолданылатын заманауи әдістерді үйрену, оқыту процесінде ерекше қажеттіліктері бар балаларды толыққанды тарту тәсілдерін меңгеру туралы;
2.Қолдаудың көп деңгейлі жүйесі: Польша тәжірибесі білім беру мекемелерінде оқушыларға психологиялық, педагогикалық және әлеуметтік қолдау көрсетудің жақсы жүйесін дамытқан. Бұл тәжірибені қазақстандық білім беру жүйесіне енгізу тиімді жолдары;
3.Білім беру мекемелерімен ынтымақтастық: Польшадағы мектептер мен университеттер инклюзивті орта құруда көп еңбек сіңіреді. Мұндай мекемелердің жұмысын тікелей бақылау, олардың тәжірибесін зерттеудің пайдасы туралы;
4. Оқытушылардың біліктілігін арттыру: Польшада инклюзивті білім беруге арналған оқытушыларға қойылатын талаптар жоғары. Олардың кәсіби дамуына арналған курстар мен тренингтер жүйесі жаңа идеялар мен ресурстарды қарастыратыны туралы.
5. Халықаралық серіктестік: Қазақстан мен Польша арасындағы білім саласындағы ынтымақтастықты нығайту, бірлескен жобалар мен конференциялар ұйымдастыру мүмкіндіктері туралы.
Осы аталған бағыттағы тәжірибелермен толыққанды бөлісу үшін университет оқытушы-профессорлар құрамына практикалық бөлімдер ұйымдастырылып, нәтижесінде оқытушылар практикалық тапсырмалар орындау барысында инклюзивті білім беру ортасында қарым-қатынас ерекшеліктерін анықтауға мүмкіндік алды.
Осыған ұқсас
Мектепке дейінгі балалардың дамуын қолдау тақырыбында шеберлік сыныбы өтті
Қаң. 20, 2025, 12:28 Т.Қ.
«ДЕНСАУЛЫҚ» СПАРТАКИАДАСЫ: БАС ЖҮЛДЕ БАЛАЛАР ҮЙІНЕ БЕРІЛЕДІ
Қаң. 17, 2025, 12:23 Т.Қ.
«Дәулет» жабық спорт кешені пайдалануға берілді
Қаң. 17, 2025, 12:21 Т.Қ.
ОҚЫТУШЫ-ПРОФЕССОРЛАР ҚҰРАМЫМЕН КЕЗДЕСТІ
Қаң. 17, 2025, 12:20 Т.Қ.