Өзбекәлі Жәнібеков атындағы Оңтүстік Қазақстан педагогикалық университеті мен Шымкент қалалық опера және балет театры арасында ынтымақтастық меморандумына қол қойылды.
Болашақ ұстаздарды тәрбиелеуде театрдың эстетикалық және рухани маңызы зор. Университет ұжымы басшылықтың қолдауымен қаладағы театрлардың тұрақты көрерменіне айналған. Міне, осы мақсатта және рухани орталықтарға маман даярлау, сәйкесінше университеттегі өнер және білім факультеті студенттеріне тәжірибе алмасу үшін әріптестік ынтымақтастық нығая түспек.
Қос тараптың ортақ мақсатына арналған ресми жиында театр директоры, өңірдегі опера өнері мен мәдениетін дамыту, Шымкент қалалық опера және балет театрының жаңа ғимаратын салу жоспары жөнінде ой бөлісті. Сондай-ақ, жас таланттарды даярлау, әртістерді оқыту ісі, театр репертуарын шетелдік және ұлттық қойылымдармен жаңарту жөнінде емен-жарқын әңгімеледі.