ПЕДАГОГТАРДЫ ҚАЙТА ДАЯРЛАУ КУРСЫ СӘТТІ АЯҚТАЛДЫ

26 Маусым 2025, 11:59

Медиа Орталық

Ө. Жәнібеков атындағы Оңтүстік Қазақстан педагогикалық университетінде педагогтарды қайта даярлау курсын 33 тыңдаушы сәтті аяқтады. Басқарма төрағасы – ректор міндетін атқарушы Гүлжан Сүгірбаева, Басқарма мүшесі – академиялық мәселелер жөніндегі проректор Айнаш Құдышева сертификаттарды салтанатты түрде табыстады.

Университет ректоры тыңдаушыларды құттықтап, білім мен тәжірибенің өмір жолындағы маңызын атап өтіп, алдағы кәсіби қызметтеріне сәттілік тіледі.

Курс барысында тыңдаушылар педагогиканың заманауи бағыттары, оқыту әдістемелері, білім беру технологиялары мен жаңартылған білім мазмұнына сай кәсіби білім алды.

Тыңдаушылар да алғыс білдіріп, университет тарапынан жасалған қолдау мен сапалы ұйымдастырылған оқу процесіне жоғары баға берді.

Олар курста алған білімдерін болашақ кәсіби қызметтерінде тиімді қолдануға, білім беру сапасын арттыруға және оқушылармен нәтижелі жұмыс істеуге ниетті екендіктерін жеткізді.