«Жазғы мектеп-2025»: 3 күн

18 Маусым 2025, 12:03

Медиа Орталық

«Құзыреттілікке негізделген білім беру және ғылыми зерттеулер» тақырыбында оқыту семинары жалғасты.

Семинарда ОПҚ-ның кәсіби қызметіндегі негізгі компоненттер – оқу пәнінің кешенін құрастыру, цифрлық білім беру платформасы (Platonus) арқылы оқу процесін ұйымдастыру және білім алушылардың оқу жетістіктерін бағалау жүйесіндегі өзекті мәселелерді талдау, олардың себеп-салдарын анықтау және тиімді шешу жолдарын ұсыну мақсатында Академиялық істер департаментінің директоры Даулетбай Бердалиев оқу процесін ұйымдастыру барысында кездесетін олқылықтарды атап өтіп, болдырмау жолдарын қарастырды.

Педагогтердің белсенді оқыту әдістері туралы білімдерін тереңдету, оларды оқу процесінде тиімді қолдану жолдарын көрсету және тәжірибеде пайдалануға бағытталған дағдыларын қалыптастыру, әдіс пен тәсілдің ерекшеліктерін ажырату мақсатында Оқу процесін цифрлық және әдістемелік қамтамасыздандыру бөлімінің басшысы Гүлмира Есентөреева «Оқу процесін белсенді әдістер арқылы ұйымдастыру» тақырыбында университет оқытушыларымен шеберлік сынып жүргізді.

Қатысушылар семинардың мазмұны мен форматына оң баға беріп, аталған бағыттағы жұмысты әрі қарай жалғастырудың маңыздылығын атап өтті.

Барлық әріптестерге белсенді қатысқаны үшін алғыс білдіреміз!