Өзбекәлі Жәнібеков атындағы ОҚПУ медиаорталығының «Ұлттық педагогика» жобасына тарих және педагогика факультетінің деканы Гүлдариға Таутаева белсенді атсалысуда.

Студенттерге арналған кезекті тәрбие дәрісі асық ату ойынына арналды. Мектеп бағдарламасын жеңілдетудің ғылыми әдістерін ұлттық педагогикаға сай зерттеп, мемлекеттік грант негізінде жобамен айналысушы ғалым Алданазар Әмірбекұлы да жастарға ұлттық ойынның ерекшеліктері туралы әңгімелеп, бірге асық ойнады.