ЖАТ АҒЫМ ЖОЛДАН АДАСТЫРАДЫ

23 Сәуір 2025, 12:00

Медиа Орталық

Zhanibekov University-де «Жат ағым жолдан адастырады» тақырыбында танымдық рухани форумы өтті.

ҚМДБ-ның Шымкент қаласы бойынша өкілдігі мен Шымкент қаласы дін істер басқармасы өткізген шарада сала мамандары, мешіт имамдары атқарылған жұмыстарды таныстырды.

Шымкент қаласының бас имамы Бақдәулет Әбдірахманов, Шымкент қаласы дін істер басқармасының басшысы Бақтияр Өнербаев, Қазақстан мұсылмандары діни басқармасының діни оқу ағарту және кадр әлеуеті бөлімінің меңгерушісі Хасан Аманқұлов, ҚМДБ Ғұламалар кеңесінің мүшесі, Сейтжан қари мешітінің бас имамы Ерсін Әміре, тағы басқа білікті мамандар елімізде діни бағытта академиялық білім беретін жоғары оқу орындарымен, әлеуметтік желіде қарауға болмайтын парақшалар мен діни каналдар жөнінде ақпараттар берді. Сондай-ақ, студенттердің жат ағым мен дәстүрлі дінді қалай ажыратуға болатыны, орамал тағу мәселесіне байланысты көптеген сұрақтарына жауап берді.

Кездесу соңында Бақтияр Әлтайұлы өзекті сауал қойған жастарға кітап сыйлады. Мазмұнды шараны университет Басқарма мүшесі-Стратегиялық даму және әлеуметтік істер жөніндегі проректоры Баршагүл Исабек жүргізді.