«ТӘРТІПТІ ӨЗІҢНЕН БАСТА!» ҚОҒАМДЫҚ АКЦИЯСЫ АЯСЫНДА КЕЗДЕСУ ӨТТІ

4 Наурыз 2025, 18:06

Медиа Орталық

Zhanibekov University-де «Тәртіпті өзіңнен баста!» қоғамдық акциясы аясында тәрбиелік және құқықтық маңызы бар іс-шара өтті.

Жиында Шымкент қаласы Әл-Фараби ауданы ІІБ Жергілікті полиция қызметі бөлімі регионалдық полиция бөлімшесінің кәмелетке толмағандардың істері жөніндегі аға учаскелік полиция инспекторы Хабибулла Юсупов, Әл-Фараби ауданы прокурорының орынбасары Князь Валиев студенттерге құқықбұзушылық пен жат әдеттердің заңды жауапкершілігі, буллинг, ерте жүктіліктен сақ болу туралы жан-жақты түсінік берді.

Жол ережесін сақтауға байланысты заң тәртібіне енгізілген өзгерістер түсіндірілді.

Ал, мемлекеттік қызмет басқармасының бас маманы Жазира Әлжанова ЖОО-ғы мемлекеттік тапсырыс негізінде оқитын, үздік студенттерге мемлекеттік қызметке іріктеусіз кіру тәртібі , мемлекеттік қызметке іріктеудің жаңа пилоттық жобасы туралы ақпарат берді.

Іс-шараны Басқарма-мүшесі Стратегиялық даму және әлеуметтік істер жөніндегі проректор Баршагүл Исабек жүргізіп, жастардың тәртіп және тәрбие мәселесінде бірлескен шараның маңызына тоқталды және мамандарға алғыс білдірді. Студенттер назарына тақырыпқа сай арнайы бейнероликтер көрсетілді.