КӨК ТУДЫҢ ЖЕЛБІРЕГЕНІ
Қаз. 25, 2024, түсқайта
Медиа Орталық
Бүгін ұлттық мереке Республика күніне орай елімізде бір мезетте көк туымызды көтеру рәсімі өтті. Тәуелсіздігіміздің нышаны мемлекеттік туымыз асқақты Әнұранымызбен көкке көтерілді. Шымкент қаласында байрағымыз «Шымкент сити» шағынауданында бой көтерген жаңа тутұғырда желбіреді.
Бұл сәт еліміздің бірлігі мен тәуелсіздігін дәріптейтін маңызды іс-шара ретінде халық жадында сақталады.
Мемлекеттік туымыздың ашық көк түсі бейбітшілік пен ашық аспанды, елдің тұтастығы мен болашаққа деген сенімді білдіреді. Тудың ортасындағы алтын күн мен қыран бейнесі халқымыздың еркіндікке, жаңаруға және жарқын болашаққа ұмтылысын көрсетеді. Бұл бейнелер біздің болмысымыздың терең мәнін ашады, ұлттық мақтаныш сезімін арттырады.
Бұл мерекелік шараға қала әкімі Ғабит Сыздықбеков, қалалық мәслихат төрағасы Бахадыр Нарымбетов, қоғам қайраткерлері, және еліміздің болашағын қалыптастыратын жас буын да қатысты. Көкке көтерілген туымыздың бейнесі олар үшін мақтаныштың, еркіндіктің, елімізді сүюдің символына айналды.
Мемлекеттік рәміздеріміздің мәні мен маңызын түсіну әрбір қазақстандық үшін үлкен парыз. Көк туымыз тек қана мақтаныш көзі емес, елімізге деген сүйіспеншілік пен бірлік рухының белгісі болып қала бермек.
Осыған ұқсас
АЛТЫ АЙДА ПЕДАГОГ БОЛУҒА МҮМКІНДІК БАР
Қар. 12, 2024, 4:54 Т.Қ.
ШЕТЕЛДІК ҒАЛЫМДАР УНИВЕРСИТЕТ ТЫНЫСЫМЕН ТАНЫСТЫ
Қар. 11, 2024, 4:53 Т.Қ.
ЗЕЙНЕТКЕРЛЕР ДЕ УНИВЕРСИТЕТТЕ ОҚИ АЛАДЫ
Қар. 11, 2024, 4:50 Т.Қ.
ЖЕҢІС ТҰҒЫРЫ ТӨМЕНДЕМЕЙДІ
Қар. 11, 2024, түсқайта